Unicode
ဒီကမ္ဘာမှာ ပုံစံအမျိုးမျိုးနဲ့ ရူးနေကြတဲ့လူတွေအများကြီးရှိတယ်။ ထက်မြက်လွန်းပြီး IQ မြင့်တဲ့ လူတော်တစ်ယောက်က စွဲလန်းမှု့တစ်ခုကြောင့် ရူးသွားတယ်ဆိုရင်ရော ......
တချို့က ငွေကိုရူးတယ်။ တချို့ကအာဏာ ။ တချို့က မသိမသာ။ တချို့က သွပ်သွပ်ခါ ။ လူတိုင်းက တနည်းမဟုတ်တနည်းတော့ အနည်းနဲ့အများ ရူးနေကြတာချည်းပါပဲ ။
ဝမ်ရိပေါ်ဆိုတဲ့ သူရူးကတော့ အချစ်ကြောင့် ရူးပါသတဲ့ ....
**********************************
မဖြီးမသင်တာကြာတဲ့ ဆံပင်ဘုတ်သိုက် ၊ အနက်ရောင် ပါဝါမျက်မှန်အိုတလက်နဲ့ ညှင်းသိုးသိုးပုံစံရှိတဲ့ လူတစ်ယောက်က ကြီးမားတဲ့ Long coat အညိုကြီးကို ဝတ်ဆင်ထားတယ်။ လက်ထဲမှာ သယ်လာတဲ့ ကတ်ထူပုံးကြီး၂ပုံးက အရွယ်အစားကြီးပြီး လေးမဲ့ဟန်တူတယ်။ သူက ကတ်ထူတွေကို တစ်ခုပေါ်တစ်ခုထပ်လိုက်ပြီး မ့လိုက်တယ်။
ဂျောက် ~~~
ကားလော့ချသံနဲ့အတူ အနှီလူကား အိမ်ကြီးထဲကိုဝင်ရောက်သွားပြီဖြစ်တယ်။ မျက်စောင်းထိုးအိမ်ရဲ့ ပြတင်းပေါက်က ချောင်းကြည့်နေတဲ့ ၉နှစ်အရွယ်ကလေးငယ်လေးက ကစားစရာ မှန်ဘီလူးကို အောက်ချလိုက်တယ်။
"Daddy ... ဦးဦးဝမ်က သားတို့အိမ်ကို လာမလည်တာကြာပြီနော် ၊ ဘာဖြစ်လို့လဲဟင် "
"သူက နေမကောင်းလို့ပေါ့သားရယ်
သူ့ကိုစကားသွားပြောတာမျိုး အနှောင့်အယှက်သွားပေးတာမျိုး မလုပ်ရဘူးနော် "
"ဟုတ်ကဲ့ "
သားငယ်ကို စကားလမ်းကြောင်းလွှဲလိုက်ပေမဲ့ လူကြီးတွေကိုယ်တိုင်က ထိုအိမ်ကြီးစီက အကြည့်မလွှဲနိုင်ကြ။
ပရော်ဖက်ဆာ Wang Yi Bo ....
ဒီအမျိုးသားဟာ သိပ်ကိုတော်တဲ့လူ ။ နိုင်ငံအသိအမှတ်ပြုဆုတွေအများကြီးရထားပြီး သူ့ရဲ့ကိုယ်တိုင်ရေးအထုပ္ပတိက နိုင်ငံတကာမှာပါ ဘာသာစကား ၆မျိုးနဲ့ ပြန်လည်ထုတ်ဝေခြင်းခံခဲ့ရသူ။ အသက် ၃၅ သာရှိသေးတဲ့ အမျိုးသား။ ရုပ်ရည်ကလဲ သာမန်ထက်ပိုတဲ့ ကြည့်ကောင်းမှု့မျိုးနဲ့ တင့်တယ်တဲ့လူ။ ဒီလူမှာ လိုအပ်နေတာက အပြုံးတစ်ခုပဲရှိတယ်။ ဟုတ်တယ်။ ဒီလူက အပြုံးအရယ်နည်းပါးတယ်။
YOU ARE READING
Short Stories Collection
Fanfictionစိတ်ကူးရရင်ရသလို yizhan ဇာတ်လမ်းတိုလေးတွေကို ဒီထဲမှာ အားလုံးစုပြီးရေးပေးမှာပါ။ စိတ္ကူးရရင္ရသလို yizhan ဇာတ္လမ္းတိုေလးေတြကို ဒီထဲမွာ အားလုံးစုၿပီးေရးေပးမွာပါ။ Paung~pus ♡. Start Date - 16.9.2021
