كأننا لم نحترق

البارت الثاني

كأننا_لم_نحترق

البارت الثاني 

للكاتبه #كوثر_محمد

شهگت يخوف وفتحت عيوني حيل وحجيت بصدمة :-هاااي انتَ؟؟

ابن ابن عم ابويه الحلو طبعا حجيتها بداخلي على هالخزرة لو اموت مااتغزل بي..

عصر ايدي حيل بقوة من معصمي ضاغط عليها وحجة من بين وهوه ضاغط مبين من عظام  فكة ومبين شوي وينفجر..

كاعده تراوين روحچ للزلم شوفوني حلوه؟  دقايق والكاج راجعة لسيارة ابوچ الگرن.. وفرك لحيتة حيل استغفر الله

اريد احچي مينطيني مجال اخذني حاصل فاصل..

نتر ايدي وكال يلا كدامي للسياره اذا شفتج نازله ابتلي بيج

-انتَ منو سمحلك تحاجيني هيج وبعدين شوف هاي وين اوديها ورفعت ايدي راويته التمتوعه،، تمتوعة الكشره صارت

-لتخليني ابتلي بيج وبهاي المدري شنيه

اردفت بسرعة :-تمتوعة هاي تمتوعة لازم انطيها للعروس يعني اكل ينطوهميا بليلة العرس

احجي وهوه صافن عليه ياااا عزا هاي اني شنو واكفة ويا رجال غريب وفوكاها ورى سيارته وببعد خطوات عنه ابويه ودك وركص مال ولد وهوسه اني شبيه هاي كله افكار تزاحمت براسي بهالدقيقة

اني داابررله ببدال مااوخر بسرعه ضربت كصتي وكتله وخر من طريقي يلاااا

اما هوه الجان صافن عليه ورافع تك حاجب بمعنى هاي شبيهااا؟!
تعرفين هواي بليلة العرس شكلچ

فتحت عيوني عزا شداتحچي،، ماخلاني اكمل وجر العلاگةة من ايدي ونتر روحي يله اني انطيهميا

اجيت اروح من نفس الطريق.. سمعت صوته ويشدد ع مخارج الحروف

منااااك مناااك منين رايحة لخاطر ربج

-اي اي شبيك وعوجت حاحبي ماعاجبني ابد ابد ابد الدايصير..

لفت من ورى السيارات وصعدت اول ماصعدت عمتي حچت،، ها يمة انطتيهم التمتوعة؟ فتحت عيني وتلبكت

-هاا اي اي وصلت الهم هيه عندهم هسه..

ودرت وجهي ع الجامة مااريد احد يلاحظ..

لشوية كملو المزيقة وصعدو سياراتهم وانطلقنا واحتا هم بابا ماوصلنا وياهم للفندق لا،. شويه ولاوف ورجع بينا َ..

نزلنا من السياره قفلها دخلنا للبيت اييي واخيرا .. بعد يوم متعب نزعت الكعب وتمددت ع الچرباية وضليت اتذكر الصار بيني وبين نفسي

فزيت ع صوت نهى

-الشاغل بالك يتهنى يابه الصفنه مو لچ ههههههه

كمت ع حيلي رحت وكفت كبال المرايا..

.. الصفنة الج مو اليه حقيره كومي بدلي ملابسج وخنروح نسوي عشا لو نطلب حاهز شتكولين!