#كأننا_لم_نحترق
البارت التاسع والاربعون
الكاتبه كوثر محمد
افكر بيني وين نفسي .. مااعرف جنت متخبطه احس باحساس كُلش صعب تفسيره.. اني نهى لحد قبل فترة جنت اكول مستحيل اتزوج هسه بعد وكت
بس من جنيد دخل الحياتي كلبها كلاب
ويا حسيت باحساس الحب والثقه
اليوم هو يوم عقدي ع الشخص الاحبة ويحبني
كعدت من الصبح احس النوم شارد مني
حتى كضيت الليل انز كل شوية.. الاعرفه اني حاليا لازم اكوم
نزلت من غرفتي شفت كرايبنا كُلهن كاعدين امي ودُرة والنسوان هواية
استقبلني بالهلاهل كعدنه تريكنا وكل شويه وحده كايلة شي
يا اليوم يومج نهاوووي..
هلا هلا حتصير ع ذمة جنيد حيل لايكين البعض
انوب وحده حجت
عود مو تسووون شي عيب استحو شويه
ويطكنها ضحكة واني احس اريد اضم نفسي بخجل
امي كل شويه تضمني جوه ايدها وتضحك تدري استحي
شويه وكمنا البنات بلشن يجلفن ويحضرن البيت
صار يلمع.. للظهريه كالولي اصعدي حتى تتجهزين.. ماحبيت اروح بره اسوي شي
اني والبنات نعرف نخلي مكياج مرتب.. وفستان عقدي صار كبالي اول مافتت
المكياج حيكون حسب هالالوان..
ابتسمت وكعدت وبلشن دُرة تخليلي مكياج وانوب تجي بنت خالتي تريد تكمله
بس شنو حرفياً صار يخبل
سحبت عيني بلون اسود طوخ.. الحمره برزت شفتي
الوجه البشره.. انوب الشعر.. كُلشي كملنا وصار تمام حيل
اجن النسوان وصارت خبصه ناس وناس وأصوات
باوعت ع نفسي بالمرايا احس اريد اطلع احلى وحده بالدنيا اريد هيج جنيد يتغزل بيه هواية
دُرة : ابتسمت واني اباوعلها...
جاهزه؟! حتى ننزل
نهى : ابتسمت اي جاهزه يلا
باوعت ع جهازي طلع ضوا عقجت حاجبي دااشوف منو
الابتسامه نرسمت ع وجهي بشكل كامل واني اقرا الكاتبه
جنيد: وراح تصيرين الي يانبض كلبي.. احس باحساس كُلش حلو
رديت عليّ : اي اني هم هههههههه مااعرف شحس هيج شي صعب
_ شوف شلون تضحك الفطيرة ... شوية ونوصل يروححي
اوك اني راح انزل دُرة تكول استعجلي
أنت تقرأ
كأننا لم نحترق
Storie d'amoreفتاة يجبرها والدها على الزواج من شخص لاترغب به لأجل ان ينقذ نفسه من بئر غميق وقع به... لتفترق يد فتاته من يد إبنته الأخرى... هل سيكون زوجاً لها ام سيكون مصيراً مظلماً مجهولاً؟! هل سيكون منقذي ام سيكون مهلكي هل سيكون زوج ! ..؟!إلى اين المطاف سيرمي...
