كأننا لم نحترق

ة البارت السادس والعشرون

#كأننا_لم_نحترق

البارت السادس والعشرون

#الكاتبة #كوثر_محمد

منـو گلك من محبتـك راح أمل !♥️🍒

دُرة : لا
ضربت على صدرها وحچت :يمصخمه شلون هيج
وهو وين چان؟يمه لتفتين گلبي..

نطت نهى :شوفي هو قبل ليسافر امي خابرت
ومگناله هو سافر واحنه جينه ..

ام زمزم :وانه اگول اثار ذني جديدات ومال واحد
ذاب كل حيله بختمها .. احس وجهي دخن نار
وهي تلزم رگبتي ..وتتشاقه ويايه
جان تحجي بنيه مااعرفها
رسل :حبيبتي اني بنت خالتج الچبيره الله يرحمها
وآني متزوجه وسحلت زلمتي وجهالي وجيت
اشوفكم..

نهى جرت طفل وضلت تكرص بيه وتضحك اني
رگبتي متغطيه للحجيه شلون لگفتها..

دُره :الله يحفظج حبيبتي بس ممبين عندج
جهال صغيره..
رسل:ههههہ اني اكلج تزوجت ١٧ سنه وبس
صرت ١٨ حبلت اول بطن توم وكمت واحد ورا الثاني
الى ان هلكت صارو ٥ وهاهيه يعني لل ٢٥ سنه
وگفت انتاج ههههههههه وهسه عمري ٣٠ وحامل ..

نهى :جذابه عبالي بگدي وحق الله نيال زوجج بيج ..
دُره :حبيبي الله يحفظج الهم ويحفظهم ..

رسل :اي امين يگليبي انتي..
نهى :شگد فرق بينج وبين زوجج؟ ..

رسل :١٥ سنه هو ٣٣ سنه من تزوجته ..
نهى :يااا چبير قصة حب ..

ضحكوا البنات صار وجهم دم من الضحك .. طكوها ضحكة سوا يعني اكيد صاير شي
دُره :هاي شكو ههههہ ..
رسل :بس اسكتوا وكام تضحك شوفي زواجي كلش
غريب وجان تتربع وتكعد متحظره للسوالف...

جنت راجعه من المدرسه اخر يوم
امتحانات وجد جدي مسموط مع احترامي بيبي...

اي رحت لبيت ابويه كلولي خطبوج كتلهم اي وافقوا.
جان عبالي شقه عزا من عرفت بچيت
بچي ولطمت لطم اجه بابا صفگني راشدي

حبيبي وصحاني وگال بنتي ابن شيوخ ورجال سبع ودكتور ومثقف شتردين بعد!

وراح يداريج اني ضهرج وسندج مدايملج
وتزوجت واني شهرين ويا يوميه اتعارك
يكفشني وينزل ويعوفني مخليته يتقرب اليه
اجه وراها تعبان وكال احبج وعاد اني صرت حبابه ويا والحمدالله ومن ذاك اليوم بس احبل هههه
طكوها ضحكة البنات ههههههه

صدك ضحكتني وتعرفت على باقي البنات كلهم متزوجات
والولد هم واكو چناين حسيت بلأنتماء نهى احسها طفلة
ولگت العاب تسولف تسولف وتحجي وحضن وشقه
بس اني فاصلة عنهم وخايفه ..

نهى
تعلقت بيهم بشكل فضيع رُسل وندى والبنات كلهم
دخلو گلبي وخالو صالح شخصيته تجنن مازج بين
الشقاوة والحدة والحزم كُلش حباب كلشششش ..

عرفت اكو عرس مال اقارب زوج رسل واقارب
امي يعني هوسه وهايسه واني ودُرة مجايبين
ملابس عرس