كأننا لم نحترق

البارت الثامن والعشرون

#كأننا_لم_نحترق
البارت الثامن والعشرون
الكاتبة كوثر محمد

• انت في قلبِي
• أأكثَر مِن كونِك عَلى أرضِ الله الواسِعة❤️💍

دُرة : الايام المرت مقدام ميباوعلي اصلا، يمكن كرهني  مو وكتها ابد صعدت شويه شويه سديت باب الغرفه ورايه تنفسي صار سريع واختنكت، اني من اتمرض صعب اتشافى بسرعه

اضل بين فتره وفتره انتكس لحد ميمر كم يوم واستقر..

سديت الباب، مشيت بصعوبه للجربايه ومددت حاولت اتقوه ماكدرت حسيت جسمي خدران ونحلان حيل جريت الغطى تغطيت

ضميت راسي حيل بالمخده وبعد ماحسيت بنفسي الة غافيه..

حسيت على صوته يكعدني، ويندس بكتفي ويصيح بأسمي
اكعدي يابة

فتحت عيوني بصعوبة وثقل فضيع، خله ايده جوه راسي ورفعني كعدني

دوه بايده، كال :- هاي العلاج يوالمج كومي اخذي حتى تطيبين يلا

ردت ارفع ايدي اخذ العلاج ماكدرت، ورجعت اغفي من شافني هيج تمتم بينه وبين حالة مدري شكال وحك طرف حاجبة متوتر، وابتسم بطرف حلكة.

أأ اني راح انطيج العلاج بس شويه فتحي حلكج.. خله ايده ع طرف شفتي وخله العلاج، وانوب اندار جاب كلاص مي من يمه وشربني..،

حجيت بتعب : مو زين عليه العلاج اني شلون نسيت واخذت تؤ

اردف بثقه :- لابابا لتخافين، ادري الحامل ميصير تاخذ اي علاج وهاي يوالمج لتخافين..

دُرة : ابتسمت ممتنه منه، شكراً

وهوه غمض عينه وفتحها، مقدام :- عادي ولو، كلامه بهدوء... رجع كلاص المي بمكانه

_ اذا ردتي شي اتصلي عليه، هاي موبايلج يمج.. اني نازل عندي شغل ، مااطول

دُرة : تمام براحتكك

ساعتين تقريبآ حسيت نفسي احسن، كلت اكوم اتحرك اسوي عشا شو شنو، طبيت للحمام وغسلت وجهي ومسحت على راسي بللته طلعت نشفت وجهي وشلت شعري ذيل حصان عالي وهوه منا مبلل صار حلو
خليت مرطب الوجهي وفتحت الباب، سديتها ع كيف ونزلت، طبيت للمطبخ شفته بره بالطارمة مخلي استكان جاي والحاسبه ويشتغل

رحت للمجمده اريد اطلع كبة بورك شي اسوي

حسيت باب المطبخ نفتحت واجة ورايه، صار قريب عليه حيل انداريت باوعتلة،

مقدام : ليش نازله؟ شلون صرتي

دُرة : تحمحمت وحجيت : احم تمام اني الحمد لله احسن

علاجك فادني

مقدام : ضل ساكت ميعرف شيكول اني مو طبيعتي احاجي بأسلوب لطيف هيج...

جان يكول :- اذا علاجي يفيدج يوميه انطيج علاج، بس مو كبسول نفس اليوم ترى

ابتسم بخباثه، جاهزه العلاجي يحلوه؟؟