كأننا لم نحترق

البارت الثالث والاربعون

#كأننا_لم_نحترق

البارت الثالث والاربعون

الكاتبة كوثر محمد

من آخر متـاهات الضـياع الراكـدة بروحي
لگيتك وطـن لملمنـي وخـذاني بعيـد♥️''

دُرة : انطيتها الموبايل خلت سيمكارتها بي دزتله رساله وهيه تضحك

رفعت عينها اليه
اذا مارد احظره

هههههههه اي، بس متأكده حيرد

ماشي خلشوف، وكعدت وتكرض اضافيرها بسنونهه متوترة..

_ شبيج لعبتي نفسي، مااحب الاصابع تصير بالحلك

- ايع شوف الوصف حتى اني لعبت نفسي

وخرتهن ها ارتاحيتي

- اي ارتاحيت، بس اريد اكوم ضجت من الكعده

- اسكتي ماما كالت تكوم شويه ونكعد ميصير تتحرك هواية لان عملية

- اي اي بس اريد انزل جوة خطيه ماما وحدها

_ اي متصعد يمكن تستحي من مقدام

- يااا هوه وين مقدام مو طالع ليش تستحي

_ اي مو هاي غرفتكم يعني خو ما نفسي ذابه المستحة وكاعده هنا
هسه ع ساعه يريد يجي الرجال ينام يمدد يسولف ويا مرته بشي منا منا
وتلعب حواجبهه تضحك

- شوف الهيلك، ضحكت وضربتها على كيف مااكدر اتحرك، طبعا جنيد خلاج تصيرين فاسقة هيج ماجنتي

- يااا جنيد؟! اصلا معنده هالسوالف

_ اي ضابط ومعنده هالسوالف واضح كُلشششششش

-شهالسمعة ع الضباط شبيج ع اساس رجلج فقير

- معليج برجلي زوجي عزيزي الغالي

_تذكرين ايام ايع وعيع وويع؟! من تحجين عليي

- غمضت عيني وفتحتها سريع، لا لا مااتذكر جنت اريد اكتله بوكتها

_ بس يلا همزين طلع زين

- دنجبي غير وكلني تبن بالبدايه، بس اي زين حبيبي هوه فديته بوساتي لخدوده

_ خدوده!! عمت عين البانيه

- اكولج ادبسز اكو اشعار وصل للموبايل، حلي عني معليج بيه بطني تريدلها حجة وتملخني عوفيني بحالي لتضحكيني

- سحبت عيونها، وذبت شعرها ليوره، اووي مو صوجج صوجي اني ردت انفه عنج يلا كايمة اراسل جوجو بعيد عنج حتى اسرح واعرف شرد عليي

- اي جفيني شرج هيلكية صايره، ولتنطي مجال الجوجو، وجريت بالكلمه واضحك

- اذا عرف بيه ادلع جوجو يبتلي بيه متأكدة ميحب المياعة

- منج كُلشي يحب مادام يحبج..

_ تنهدت وابتسمت واحس فراشات طايره بصدري راح ارجع اراسله عبالك صارلي سنه ممراسلتة ياا كمت نزلت جوة الغرفتنا الكاعدين بيها اني وماما واعض بشفتي اريد اشوف شداز اكيد شي عن الاشتياق