كأننا لم نحترق

تكملة البارت الاربعون

واتصل عليها ماكو..

حاولت اوصل الج هواي ماكدرت، اخر شي طلبت تسجيل الكاميرات وشفت كلشي

بعدين صرتو بعيدين كامت الكاميرات متصور..

تعقبت اثر بسام ولحد ما حددنه الموقع ووصلنه الج

يعني الهاي السبب تأخرت.. 

جان لازم اوصل اسرع، حقج عليه نهى

نهى : برطمت ردت ابجي،ازيد من قبل انتَ صدُك تحجي؟! انتَ السويته ابد مو قليل يعني هاي الجم ساعه اتأذيت بس لو ما توصل وتطلعني جان ممكن هالساعات يصيرن ايام..

معروفك بعمري ماانساه..

جنيد : ماسويت شي، بس

وحك طرف حاجبة بتوتر.. يباوع ع الشارع  حتى ميركز بوجهي..

حسيت الكلام الراح ينطقة صعب..

نهى : كول شكو

احم شسمه، يعني هم سوالج شي

نهى : اباوعلة عيونه تارسها القلق.... بس بنفس الوكت مثل الهادي زياده عن اللزوم..

توقعته شخص عصبي زياده وراح يضل يصيح عليه او شو شنو، لكن ماكان هيج..

حسيت بعيونه حنيه فضيعه... شكد جان عصبي بس من باوعلي حاجاني بحنيه وماعاط بوجهي ولا لامني لسه..

رديت عليه من بعد ماسحبت نفس واني اباوع لعيونه..

- تطمن ماسوالي شي، وغمضت عيني وفتحتهم بهدوء واني اناشغ
جنيد شخص شكد مااحجي عنة قليل حرفياً

جنيد : كل وجع واثر صار بجسمج راح اطلعه من هالوصخ هذا..

وعد عليه ومو رجال وكد كلمتي اذا ما رديت حقج

نهى : كلامة طمنني.. وانتَ كدها ادري بيك، مسويها قبل..

حك طرف ركبته وبلل حلكة ميدري شيكول، جان عصبي نار هسه صار نسمه هادئة مينوصف بالكلام...

ضحك :- هاج كلينس مسحي وجهج صار خريطة

سحبلي كلينس وهوه يضحك..

اخذته من إيده، مسحت خشمي ودموعي ورجعت صافنه ع الشباك..

الصار مو قليل؟!

نهى : تنهدت وكلت..واني صوتي صار بي بحة اثر الصراخ والبجي.. اهلي اتصلو؟؟

جنيد : بالبيت ميدرون كلتلج، ادري المريتي بي هواي، بس ترى ماصارلج كم ساعة..

يعني من نوصل للمستشفى اذا تردين اتصل انطيهم خبر.. لكن يعني خالج ملتحق بس جدج وبيبيتج وامج..

لتتصلين على خالج، ترى يرجع يتخبل بس يعرف..

اذا ردتي يجون نبهي عليهم ميحجوله، تروح الترقيه بس يرجع..