كأننا لم نحترق

البارت ألثاني عشر

#كأننا_لم_نحترق

البارت الثاني عشر

للكاتبه كوثر محمد

دُرة : عيوني مغوشه اسمع اصوات.. شصاير شكو ماادري احس فاقدة الذاكره.. دقايق ياله بلشت اتذكر فتحت عيوني سريع.. متمدده على القنفه البالصاله

ونهى تفرك بأيدي، رويدة تبچي ومخليه ايدها على وجهه تمسح وترجع تنزل الدموع..

نهى : رفعت راسي شفت دُرة كعدت، هها همزين كعدتي صارلي ساعه اگعد بيچ وشلت مي من الولكة درت بالكلاص..

وانطيتها، هاج اشربي..

وكمت وگفت.. رايحة اجيبلچ عصير برتقال حتى تتنشطين..

دُرة : هزيت راسي، لا لا لتعبين نفسچ، نفسي تلعب وراسي دايوجعني اريد انام..

بس قبلها احد يفهمني شصار؟!

شرادو الشرطة، أكيد سوء تفاهم مو؟؟؟!

رفعت جسمي اتكيت ع الضهر مال القنفة احچو يلا فضوني شكو ساكتاات

رويدة : شنكول هااا شنكووول؟؟! ابوچ مطلوب واجو يردون الطلب

خيرر عبالك مندري..

مسحت خشمها وكملت كلام وعيونها حمر دم

رويدة :-هوه گال عليه دين واحتمال يصير إلقاء قبض بس مو يعيفنااا ويمشييي..

ولطمت على وجهه، عافنآ نسوان وحدنا وفلت بريشاته.. خليهم طبهن مررررض احنا ميعترف بينا اصلاا..

وفركت وجهه، حچت بصوت مسموع.. ااخخخ ياربي

صبرني على مابليتني

دُرة : هيه تحجججي واني دموعي تجري تخيلت بابا عافنا وهسه الديانه يردون فلوسهم
ماحچيت شي كملت نهى "

نهى :- بابا ميعيفنا، تحجي وتشهگ.. ميتركنه وحدنا مستتحححيلل

حتى اخر شي كال حرجع شبيچن انتننن متعرفننننه..

حيرجع اني متأكده

عاطت رويدة : بعددييييش هااا بعددييييش يرجع..
اذا مااذونه لو كتلو وحدنا مننه شفتي الولد الجاي ويا الشرطة شكاااللل كال كولو الابوكم يرجع، تره الدايسوي لا المصلحتة وسكت شويه وكمل وحجة وهوه مركز ع مخارج الحروف ولا المصلحتتتكمم!!!

فهمتتتتي؟؟!! يعني نتاذه احنا وياااا تحجي وتلطم وتخرمش بخدودها..

دموعنا عشره عشره..

دُرة : يحجون واني افر براسي منا ومنا ممستوعبه الصار جسمي يرجف انكث نكث من فوك ليجوه

عم الهدوء التام المكان.. شويه وسمعت رنة موبايلي

كمت أخذته من على الميز البالمطبخ.. عقچت حاجبي واني اشوف الاسم

مقدام!!..