كأننا لم نحترق

البارت السادس عشر

#كأننا_لم_نحترق

البارت السادس عشر

للكاتبه كوثر محمد

دُرة : حسيت على تنميل بجسمي اصوات هوا باذني، ثواني او دقيقه تقريبًا، ورجعلي الشعور الطبيعي

رويدة : رشي بعد عطر بلكي تكعد ..

مقدام : بربكم تحچون تشمموها عطر ومدري شتسوون صارلكم ساعه.. مدا تگعد گومو نوديهآ مستشفى

شو وخري وخري

وايده لامست بشرة ايدي، تحسس نبضي واخذ نفس راح اشيلها وخرو شويه..

سمعتة يريد يشيلني، فتحت عيني بسرعه احجي بهدوء واجر جر بكلامي حسيت نفسي داااتهجى هستوني اتعلم احچي

راسي يضرب عليه، اني تمام مابيه شي
مخليني ع القنفه ومتمدده على مخاديد..

عيون مقدام واضح عليها القلق، خله ايده على شعري وخر الگذلة من على گصتي..

درت وجهي كارهه حركاته، اريده يبتعد..

هوه حس الظاهر رأسا طفر گال حمد لله على سلامتچ محتاجة اخذج للطبيب لو صرتي احسن؟!

ثكل بحجيه رأسا وراحت هذيج نضرته الهاديه الي شفتها.. تحولت الجمود وقسوة

بين على حقيقته هه ميلوكله يصير حباب
هزيت راسي، اي بخير شكراً مااحتاج شي

ابويه كمش ايدي، شبيج يابويه ماسمعنا اله عيطة نهى وگعتي گلبي..

نهى : اني شفتها لونها راح وجهه نبلع عبالك، وتباوع منا ومنا
متشتته عرفتها راح توگع..

همزين مقدام شالچ رأسا جابج هنا جان ضليتي ممطوله ع الكزاز ههههه وكع الكلاص من ايدج تحطم

دُرة : رفعت راسي اباوع على مقدام، لان كالت هوه شالج وجابج لهنا، شكراً مقدام

مقدام : رمقني بنضرة عتب، واشر الاخته كومي يلا نرجع تأخر الوقت
واندار بنضراته الابويه..

باچر تجي اختي أن شاء الله وتروحون تجهزون البنيه مابقى شي بعد فترة للعرس،

دُرة : منظري مثل اللعبه صاير، يجيبها منا يوديها منا واني، صابرة ساكتة جارعه المر..

كلبي الي دايوجعني صحتي الي داتتدهور، كل شويه ادوخ من التفكير والقلق العايشة بي

حسيت بحرگة بعيوني، خليت راسي ع المخده وعصرت عيوني حيل!!

مااريد ابچي كدامهم مستحيل مستحيل انزل دمعه مني كدامة هوه بالذات'' '

سلم وراح، بابا طلع وراهم يودعهم ويوصلهم للباب..

دقايق واجة كمش ايدي وحچة، :- ها بنيتي شداتحسين؟؟

يوجعج شي محتاجة اوديچ دكتور يجيك وضعج