كأننا لم نحترق

البارت

#كأننا_لم_نحترق
البارت الثامن والثلاون
الكاتبة كوثر محمد

نهى :وصلنا لبيت الناس بيت جبير ، بناء عالي وتصميم يخبل.. نزلت من السياره لابسه صايه ولافه حجاب حسب توصيات الاهل

حسب مسمعت.. البيت راح يكون مزدحم بالناس..

طلعو اثنين زلم استقبلوناا.. الزلم راحو للديوانيه (استقبال كبير "
وللبيت دخلنة النسوان..

بيبي اول مافاتت كامتلها مره جبيره شويه لكن متعافيه الحمد لله يعني
وكامن وراها جم مره بعد ونسوان.. ومن ضمنهن عمة جنيد العرفتها من رحت الامي للمدرسه...

بوسننه وحده وحده، واني اكره ابوس وهنه قبيله ملتمين العشيره علمود هالرجال يجوز اني اذا حجيت يجوني ثنين والثالث يسوي حادث بالطريق

كعدنه النسوان واكو قسم جانن بالمطبخ.. حجت وحده

.. شنو نهى تدرس متزوجة؟!

ام ُرة :لا حبيبتي تدرس، بعدها صغيره ع الزواج

شو هاي ديري وجهج مايعجبها.. ورجعت كالت بأنزعاج..
بنات اخر وكت.. احنا هيج وكت عندنا اثنين جهال اقل شي
ام دُرة : انتِ كلتيها بعد! هذاك الوكت.. كل وكت واله طريقتة..
وكل آن والها اذان..

- بس هيج وتخلطون ولد وبنات وجامعه وصخام هاي هم سالفه مو خوش شنو بناتنا تفتر بين الناس ويا الولد؟!

الصراحة جيل ينخاف منه..

ام دُرة : اذا نثق ببناتنا هايهيه مابيها شي، ليش بالشارع ميشوفون ولد؟! وشنو
مثلا الولد وحش؟! هوه حاله حال الاخ والابن عم والابن خال والجيران وبعد وبعد

مابيها شي اذا اختلطو الولد والبنات بفرد مكان بالنهايه مادام نثق ببناتنا هايهيه مادام تعرفين شنو ترتبيتها واخلاقها هايهيه بس العتب ع العوائل المينطون اي حرية البناتهم.. ويكومون يشكون بيهَ بالطالع وبالنازل..

بيبي : عاش السانج يمه.. وطبطبت على رجل بنتها بهدوء وهيه ضامه ضحكتها

المره وجهه كام ينطي الوان احمر واخضر وبنزركي..

هواي ناس يحجون ع البنات، بينما هيه نص المجتمع وغصبا عليهم يتقبلوها
تنهدت واني اسمع كلام مثل هذا.. وهواي صارت محاورات اخرى بين النسوان.. وصوت بالمطبخ يطبخن
ويرتبن ويحضرن وصوت جهال منا ومنا..

صار وقت الاذان كامت النسوان تصلي بالغرف اعتقد.. اجت مره وجهه مدور ابيض وتدخل للكلب مو نحسه..

تقربت من بييي كلتلها حجية تكومين تصلين عاد بيبي اكيد كامت مستحيل متصلي الصلاة بوقتها

تتخبل من هالشي.. اجت المره الشفتها ذاك اليوم صديقة امي

- هاي ليش كاعده ام دُرة كومي صلي بالغرفه شبيج مستحية ولج ادري بيج تستحين من الخطار لان هواي بس عادي انتِ ام البيت بعد اختنا كومي سحبيلج سجاده وصلي واذا نهاوي تصلي هم