كأننا لم نحترق

البارت الثالث والثلاثون

  والثلاثون
#كأننا_لم_نحترق
البارت الثالث والثلاون
الكاتبه كوثر محمد

دُرة : حسيت علييّ وهوه يشيلني ويومني بمكاني، وكالعاده يبوسني بكل مكان بوجهي ويشبكني وننام..

ماجان بيه حيل اتحرك ابد، ضليت على نومتي..ههههه

ثاني يوم، حسيت لكيته بعده نايم، مامتغطي بس للحزام مالته..

مطيت جسمي حتى اتنشط، رفعت شعري وخرته عن وجهي، باوعت بارجاء الغرفه، ممم شسوي هسه؟!

باوعتله بعده غافي بسابع نومة..

كمت كلت اسوي ريوك، سحبت نفسي بهدوء فتحت الباب وطلعت...

فتحت الثلاجة، صفنت عجبني اسوي بيض.

طلعت الطاوة وزيت وحبشكلات  وملح كملت البيضه خليتهه ع الطاوله

طلعت جبن، هم خليته

يوو نسيت اسوي جااييي شلون مشكله هاي..

يلا اكل هيج

لا لا اسوي جاي..

كمت سويته خليته ع نار عاليه حتى يصير بسرعه هوه لازم نار ناصية بس يله المهم اكو جاي بالسفره عادي الطعم اي شي محد غريب

طلعت الكوابه الأصب بيهن، وخليت الشكر

انتظرته يفور نصيته شويه وصبيته..

رحت دااكعد مقدام فتحت الباب شفته واكف يمشط، باوعلي ابتسم

ها اليوم نشيطة كاعده من وكت..

- تقربت منه، هههههه اي عجبني

ذب الفرشه مال تمشيط واجه عليه بوسني بخدودي حيل

افيييشش...

- ههههه اكولك سويت ريوك استعجل يلا
..
- امشي ماعندي شي مغسل ومكمل،

- اوكي امشي

رحنا للمطبخ كعدت باوعت البيضه هسه اكيد صارت بارده خلشوف شي بعد اخلي ع السفره

رحت للثلاجة اكو كيمر وعسل هم سحبته ورتبته بسرعه

مقدام : كافي يلا بلشي

دُرة : البيض صار بارد لتاكله.. اكل جبن كيمر عسل اي شي..

مقدام : شو خلشوف..

وبلش ياكل بالبيض، هز راسه وهوه يقوس حلكه باعجاب

الله شلون بيضه تخبل

دُرة '' اهو مقدام لتجذب هيه بيضه

مقدام : بعيدا عن انج مو شكول غزل! بس مابارده كلش يعني عاديه متنذب

دُرة : ها خوش

ياكل ويحجي جان كال :شنو آخر شي صار قبل لتغفين تذكرين عمري؟!

- شنو؟!

مقدام '' طبعا غير اني واكفه بالشارع وتصيحين احبك مقددااام واني اسد بحلكج اريد تسكتين ماكوو قافله