كأننا لم نحترق

تكملة البارت الثاني والاربعون

تكملة '' '
بصوته المبحوح والخشن ويحجي بهمس ويلعب بأيدي وزردومه جان يصعد وينزل مبين حابس مشاعره كوه

قرب وجهه من كف ايدي حضنها حيل وكام يمشيها على وجهه..

اللمعه البعيونه متنوصف..

بلش يحجي بنبره حنونه مليانه مشاعر ومعنى عميق

.. تدرين قبل شويه من صارت بحضني وكبرت بأذانههآ حسيت رجعت مقدام العمره خمس سنين الماعنده شي يخاف منه ويحس نفسه الدنيا بين ايده والحياة ضاحكتلة

اليوم هوة حياتي الجديده وياج وويا بنيتنا الحلوه..

راح احاول بكل طاقتي ماازعلج بيوم و لاازعلها

بوس اصابيعي اصبع اصبع وعيونه تتابع حركتي وتعابير وجهي وتقرب مني صار ميفصل بيناتها اصبع

تقرب على شفايفي دايبوسني وجان تعيط

كام تبجي وتصرخ وخرتة عني بسرعة

مقدام : خرب

رفعتله عيني بسرعه، لتكول شي ها ها شنو حتغير كلامك مو هستوك دتكول ماازعلها

مقدام :هيه بعدها بكد الاصبع شمدريها راح احجي عليها اسم الله؟!

- معليك انت اني بنيتي تفتهم، وخر يلا خلي ارضعها

مقدام : اي مو استغفر الله خلي اسكت خلي ادير وجهي

وهز ايده ويستهزأ بس بحركان كلب نزلت عيوني ع بنيتي واضحك

اجت الممرضه خلتلي علاج بالمغذي وهوه كعد مناك

شويه بعيد عني.. رضعت الطفله زين رأسا اخذت مني ماتعبتني ابد

كملت اخذها مني خلاها بالكاروك،بوسها تبوس ياله يرجعها جان تكوم تعيط

_ ارتاحيت هسه!!....

_ شكو شو البنيه رقيقه زايد هنه بوستين تلاثه

- اييي مو انتَ عبالك دتبوس بيه فقدت، لك هاي بيبي صغيرة متتحمل هيج لزمتها تمطگ بيها وترد ليوره

مقدام : وج غير احبها شسوي اني اطلع حُبي هيج احب اتلزك بالاحبهم نفس مااتلزك بيج تلزكت بيها

معقوله اني مأذيج الهالدرجة؟! هاي الطفله اكمشيها

وجابها خلاها بحضني عباله راح تسكت بس ولا
سكتت ولاابد تصرخ وترد ليوره

اخخ يمه عمليتي راح تنفتح، من وراك مقدام كُله من وراك

مقدام : حبيبي بس اهدي شويه ، شو نطيني هالفصونه انطيني اني اسكتها
صمي حلكج شويه ترى تضوج من تعيطين بعدها هستوها اجت للدنيا وسمعت صوتج اليلعلع هسه تكول وين اني اجيت صخام وتكعد تبجي زايد

_ هلا هلا وسويت قصة بعد، اصلا تكيف من تسمع صوتي غير جانت ببطني تشرب من دمي

مقدام : تشرب من دمج شنو؟! احد كلج بنتي مصاصة دماء
.. اففف مقدام معليك بيه اني احجي مدري شلون من اتوتر اقصد يعني جانت بنص دمي