كأننا لم نحترق

تكملة البارت التاسع والعشرون

#كأننا_لم_نحترق

البارت التاسع والعشرون

الكاتبة كوثر محمد

نهى : اخذني الفضول، ضليت منتظرته يرد شاف رسالتي وضل ساكت مارد..

رحت ع الحظر وحظرته، كمت اخاف من اي شخص يراسلني من يوم الصار وتهكر موبايلي..

اخذت شهيق وتأفأفت ماعاجبني الوضع.. ردت اعرفة بعدين نعست ونمت لفلفت نفسي بالغطه واني افكر بالشخص الراسلني ونمت

حسيت ع صوت ماما تكعدني

_ نهى حبيبتي اكعدي ماما تأخر الوقت صايره تنامين للظهر مو زين هيج

_ مطيت جسمي وضميت راسي بالبطانيه، مااريد اكعد خلوني بـ ١٢ اكعد وعود اصلي واتغده وابقى كاعده

_ ضحكت وكالت :- ترى اذن وخلص وهسه صابين الغده ومنتظريج

نهى : وخرت الغطى من راسي، باوعتلها ماشي كايمة وكمزت عليها بستها وسحبت القراصة شديت شعري

هيه باستني وكامت، وكفت بباب الغرفه

مو تتأخرين ماما

هزيت راسي بايجاب :- لا مااتأخر لتخافين وشمرتلها بوسه بالهوى وكمت سفطت جربايتي وعدلتها

سحبت فوني خليته ع شحن.. رحت غسلت وجهي وايدي عدلت ملابسي وطلعت

صباحح الخير

ندى : كولي مساء الخير يعمري

نهى : ولا يهمج مساء وضحكت

- يلا ماماتي صلي داانصب الغدا

نهى : ماما صارلكم ساعه تصبون الغده متأكده جان الغده هستوكم داتسوون بي وكلتيلي دنصب اعرف هالسوالف اني

- يا يا شوف اللسان روحي ولج تصلين وتجين مو تاخذيلج غفوه هناك ههههههه
نهى : صار من عيوني ودزيتلها بوسه بالهوى ورحت، توضيت وصليت ودعيت هواي ربي يمشي حياتي وحياتنا كُلنا بطريقة صحح..

شلت السجاده وطلعت........

نهى : رحت للمطبخ مخلصين الاكل مصبوب الكل كاعد بس خالي جان ديخابر بره

وندى تجيب بالمي، وماما تعدل الخضره تخلي كبال جدو...

كعدت يمهم ماما مسوتيلي مجال، جدو خله ايده على متني

جدو - شلونج جدو؟! مرتاحة، محتاجة شي تردين نطلعج لفد مكان معين حبيبتي؟!

نهى : ابتسمت برضا وممنونيه، لا جدو مشكور وحيل مرتاحة هالايام لتخاف اذا ضجت اخبص خالي صوصو نسحله ونخلي يطلعنه

وجان تنحط ايد على ركبتي من وره تعصرها حيل

صالح / تكولين المنو؟؟ صوصو ابنج هذا لج هيلك لسانج فالتت اخوج الصغير خما اخوج..