كأننا لم نحترق

تكملة ألبارت الثلاثون

حلوه خليها..
هز راسه ولازم الستيرن بتك ايد رجعت راسي
مستمتعه وي كلمات الاغاني والهوه اللطيف...

مقدام: يله دخلي راسج..
الجوازات يمج..؟!
عدلت شالي وطلعتله الجوازات ..

وصلنه لكرڤان شوفهم الفيز والجوازات تأكدوا
منها وراها هم مشينه مسااافه چبيره مثل الگراج
مال سيارات ذب سيارته ..

اجه لزمني من ايدي اني هم لزمته لان خايفه حيل
هواي ناس وسيارات خابر زوج اخته شويه
واجه  ضل يسلم لفت راسي لفتت انتباهي عائله
طاگه مفرفحه من البچي ويحضنون بعض تنهدت
اصعب الاحضاني ب الدنيا هي الوداع وفراق الي تحبهم
والحياه تتغير ' بلعت ريكي ..مقهوره على منضرهم فزيت من صار كدامي مقدام
: شبيج..اشرت عليهم ومسحت دموعي النزلت برطمت
وجريت نفس..

دُره: هذوله خطيه.. ضحك قوي
رجع راسه ويفرك بگصته..
مقدام: ههههههه صدك تحجين..

نترت ايده بزعل وجريت الجنطه ماعرف وين امشي
انداريت مچتف ايده ..مقدام: مدامتي وين رايحه وحدج..

دُره: شمعرفني يله امشي.. ضحك لزم ايدي متت بدمي
من شفت الچلب الكيناين الي يشوف الجنط صرت وراه
ولازمه تيشيرته صفط الجنط مالتنه بسره وحضني لصدره
ويضحك..

مقدام:ههههہ ثبتي وياج اني مايجيج لج مربوط ..
دُره: كش هشه منا خل يوخر..

دخلت لمكان بي بنيه فتشتني وطلعت شفته حط الجنطه
بعربانه لونها فضي احسن من ما نشيلها شلت جنطه
مثل مال مدرسه على ضهري حطيت بيها شغلاتي
بس مو عطور لان ممنوع ..

دخلنه للصاله بارده ثلج .. مقدام: لزميها خل اجي ادخل
الجنط.. نطاني تلفونه والجوازات رفع الجنط بخفه حسسني
شايل جيس مو حنط ثگال كملنه التفتيش اخذني وياه..

دُره: رجلي وجعتني ترا..
مقدام: دقايق صبر هسه بس ناخد البوردنگ (تكت بي مكان المقعد وتفاصيل عن مكان السفر المهم هو الي يدخل للطياره )

دُره:تمام ... ضل يحجي وياهم مافهمت بس من عاط ..
مقدام: انت شنوووو الي يخصكككك شغلتك فقط تنطيني
البوردنگ وخلاص ...

خفت منه عود اني ناقصه يارب حتى سفره متكمل التموا
هواي ولد ورتب اجه لزمني وطلعني منهم...

مقدام: حتنحل السالفه
صفن واندارلي..

مقدام : اف شبيج ليـش هل رجف لتخافين
خمس دقايق واجيج... كعدني وباس راسي وراح ضل
يحجي الولد يهدون بي ويجيبوله مي يشرب عاط اخر
شي ..

مقدام: طيااارررتي بعد ساعه ونننص اذا تروح عليه منو يجي يدبرلي حجز.. يشمر بيده ويفرك براسه..

اجه شاب يمهم: انطيه الاوراق الي يريدها..
مقدام: يابه ماعندي بس الي بـ الجواز هاهيه
داحجي هنددددي..