كأننا لم نحترق

البارت السادس والثلاثون

#كأننا_لم_نحترق
البارت السادس والثلاثون
الكاتبة كوثر محمد

البارت جاهز من البارحة ومااكدر انشره
ادخل للقصة حتى اعدلة وانشر رأسا يخرج من التطبيق الواتباد
وحيل حاولت بس مكدرت انشر.. نشرتلكم تنبيه ع المنصة حتى يكون عندكم علم بس للاسف التنبيه يوصل بس للاشخاص المتابعين حسابي
فـ اذا انتو ممتتابعين حسابي ماوصل الكم التنبيه للأسف ♥️

اذا تحبون تابعو حسابي حتى يوصلكم تنبيهات بمثل هيج مواقف..

استمتعو بالبارت وان شاء الله متنعاد هالسالفه

دُرة :كامش ايدي وضاغط عليها حيل ومبتسم، حماسي يقرا الف

ياترى شنو راح يجينا؟!

عيوني تلمع بفرح، مقدام احسة طاير طاير مو شلون ماجان..
طبعا هوه من النوع من يسوق يشرب جكاير
فـ متعود بس من صرت حامل لليوم وهوه لازم نفسة

وبالبيت يطلع للطارمة يدخن ميدخن كدامي يخاف ع الطفل وعليه يكول المرأه بهالاشهر تكون مناعتها ضعيفة
شال الجكارة خلاها بحكله دايورثها وتراجع نزلها وباوعلي..
هههههه نسيت..

دُرة : ابتسمتله، عادي دخن ترى ماعليه شي..

وحفتح الشباك من يمي يعني ميأثر

ولو اريد اكطعك من الجكاير بس خطيه قهرتني خليتها الحلكك ورجعتها

- تؤ تؤ لتحاولين، اني مااريد وبعدين هاي شنو صايره تفكرين بيه وحركات
ويحرك حواجبة ويغمزلي ومبتسم تك خد

دُرة : خليت ايدي على خدي واضحك، كلتله

- اصلا من زمان حنينه عليك بس انتَ متحس.. اني حنيتي من بعيد

مقدام : فتح عيونه ع وسعهن، ليش من بعيد؟! تقربي حبيبي اني احب القرب
وباوعلي وغمز

درت وجهي للشباك واني اضحك، اشش سرسري

مقدام، هسه اني لازم اخذ موقف لان كلتي سرسري!؟ لكمة وصارت للحلك.. اراويج بالبيت تدللين..

_ وين دانحجي ووين راح بالك ولك هههههه

مقدام: اشر على نفسه وعين عليه عين ع الطريق

انييي اانيي ولك؟

ويأشر على نفسه عود مستغرب وابتسامته مافاركته ابد

لا هاي لازم منسكت عليها، تكوليلي ولك واسكت مترهم لا ابد

_ يا شكلت قابل،؟!

-_ لتحاولين ابد هايهيه نرجع للبيت ونتحاسب

_همزين كلتلي حتى اشرد من العياده رأسا مااضل وياك

كام يضحك بصوت عالي رج السياره واني اضحك ويا..

مقدام : يلا لعد خلقفل السياره َ..