كأننا لم نحترق

البارت السابع

#كأننا_لم_نحترق

البارت السابع

للكاتبه كوثر محمد

دُرة : نشفت ايدي ع السريع ورحت ورا.. لكيتة مخلي ايده على كصته ويفرك بيها بتعب تقربت منه وحجيت
شبيك بابا سلامتك، وكعدت يمه ع نفس القنفة

.. اندارلي وصفن عليه واخذ نفس وبلش بكلامة

عدنان : انتِ بنيتي الچبيرة انتِ روحي من الدنيآ

كانت نضراته حنيه على قوة على اصرار ماعرفت شنو وراها..
ببعض المرات جنت بعيد عليجن انتِ واختچ چنت مشغول شلون اامن الكم حياة كريمة واخليكم بعز..

شغلي..وسكت ثواني انوب كمل.. تعبت علي سنين وسنين اشتريت بيت وبيتين وصرفت عليكم مجرد متنطقن تلگن كولشي يمچن ماقصرت عليجن بأي شي..

صح لو لا؟

رديت علي بثقة.. اكيد بابا اي، بس شكو صاير شي؟ احسك مهموم ومو على بعضك

عدنان : اريد أطلب منجج طلب ومااريد ترديني

دُرة : گول بابا ان شاء الله اگدر اسوي ليش لا

عدنان : اريدچ تتزوجين بابا! اكو شخص طلبج مني

دُرة : بابا شهالحجي بعدين مو اتفقنا اخلص جامعه اول، هذا كلامك مو كلامي انتَ طلبت اكمل دراسةة لان دائما تگول شهادتج سلاحج ولازم تحصليها هية اهم من الزواج شغيرك هسه؟

عدنان : اي وماتغير شي.. تكمليها ببيت زوجج وبيتج هم ان شاء الله يصير

دُرة : اخذت نفس واحس ضجت لان قرار فجأه ومامستعده إله! وكلت... منو الخطبني بابا؟!

عدنان : مقدام
طلبچ مني على سنة الله ورسوله وولد ميتعيب واريدج توافقين لان اني اعرف بمصلحتچ

هسه تكولين ليش ومنين يعرفني! شايفج اكثر من مرة وكال اتشرف اناسبكم واريد بنيتك، الولد صاحب مال وعقارات وحاويها من كل جهة
ادب واخلاق وثكل

دُرة : قصدة نحاسة وشوفة نفس ويباسة خشم.. طبعا كلتها بكلبي الوكت ميسمح استهزأ لو اشاقة

وهسه طخت ببالي ليش يكولي شنو ردچ ع طلبي؟
كالت صديقتي وماصدكتها
عدنان : ها اردله خبر موافقه

دُرة : يا شسالفه شبيك مستعجل.. الله كريم خليني افكر وان شاء الله خير
رغم يعني مااعرف احس ممتوالمين وبعدين هسه بداية سنة

عدنان : حتلو عادي واذا بدايتها وهوه عنده عرف ياجلج اذا صار عندج امتحانات لو حتلو تتركين سنه مو فد مشكلة
دُرة :بحلقت عيوني بصدمة شنووو!
بابا انت كل همك نطلع معدل ونتفوق ودرجات لحد قبل فتره شختلف هسه دخيلك اني احب دراستي لتسوي هيج
وبعدين خليني أفكر ولو ممتقبله الفكرة