#كأننا_لم_نحترق
... الكاتبه كوثر محمد
البارت العاشر
سد الخط بوجهي وهايهيه! ذب كلماته مثل الصاعقه وراح!!؟ اني شنو شسوي كعدت ادك والطم بچيت بچي من القهر َالطم ع وجهي مثل المخبله
املخ بشعري فقدت الله ياخذك مقدام الله ليوفقك بجاه كلمن عنده جاه عندك يارب العالمين دعوة مظلومة بهالمغربيه لتردني
ابجي والطم ع وجهي انوب اخلي ايدي على صدري اختنك من البجي وكاعده بالگاع ع البروده بس شنو وجيت نار جسمي نار نار كبره تحرك الأخضر واليابس
اسمع صوت ركض ع الدرج ونفتحت الباب رويده ونهى طبن مفزوعات
نهى : شكو شكو ولج كولي ياالله وج دُرة
وتكمشني من ايدي حتى اهدى، قيدتني بايدها وشبگتني يآالة هديت ووكفت بس دموعي لسه مغرگگات خدودي وماخذات طريقهن
ماوكفن ابد ولج نهى يريدني اتزوجة غصب ولج نهى اخخخ ياكلبي مدا اكدر اجر النفس
مخليه راسي على كتفها ابجي واسولف الصار
َواتمنى احد يجي يگلي هذا الحل لو يريد روحي انطيها إله بس ينطيني الحل، عمامي مو بحالي ومجرد كلمة من بابا يرجعوني لهنآ واني والممنونة هم
امي! اخ ياامي! لحد الان سبب مجهول انفصالها هيه وبابا واتمنى التقي بيها واعرف الصار بسسس شسوي واني حتى رقمها ماعندي وهيه مو منا من الجنوب يعني مستحيل التقي بيها هنا
حتلو بصدفه!
وادري مابيدهآ شي لو بيدها جان اخذتنا من بابا بس مابيدهآ شي
سحبتني نهى كعدتني ع الچرباية وگعدن ثنينهن وطلبن اسولف شصاير؟!
بديت احجي من اول مابابا كلي ع مقدام لحد الصار قبل دقايق
ابجي واحجي انتهيت
رفعت عيني قابلتني عيونهن المصدومة ههه مصدومات ميعرفن اني اصلا هم لسه مصدومة
ومامتوقعه الصار ابد..
رويدة : ابوج يحبچ ويموت عليچ اصلا ميقبل الهوا يطخج يخاف عليج من الهوا معقوله صاير شي چبير الهالدرجة!!
هزيت راسي بقهر، اي صاير اكيد صاير وفوكت وجهي حيل اوووف ياالله اناشغ واحجي دموعي خلصن
سمعنا صوت طكة بابا المطبخ نفتحت.. وحدة اندارت ع الثانيه واني كمزت
شاريد احجي شراح اسوي ماادري!!
نزلت ركض من الدرج صار كبالي تقربت منه سريع وحجيت اشمر بأيدي بعصبية
دُرة : ليش هيج هااا..جاوبني بويه مو القهر صعد الراسي ابوس ايدك كلي شمسويتلك اني حتى تعذبني؟!
تروح تگلة بنتي موافقه تعال گبع واخذ؟!
اني احجي وهوه صافن بوجهي جامد مابدر منه اي ردة فعل
صامد وشامخ بس هالمره على حساب بنته!!
أنت تقرأ
كأننا لم نحترق
Storie d'amoreفتاة يجبرها والدها على الزواج من شخص لاترغب به لأجل ان ينقذ نفسه من بئر غميق وقع به... لتفترق يد فتاته من يد إبنته الأخرى... هل سيكون زوجاً لها ام سيكون مصيراً مظلماً مجهولاً؟! هل سيكون منقذي ام سيكون مهلكي هل سيكون زوج ! ..؟!إلى اين المطاف سيرمي...
