كأننا لم نحترق

تكملة البارت ا

مسح على وجهه يريد يتماسك وميصير عصبي..

ابتسم وتقرب وهوه ضاغط على فكة ويحجي بهدوء يهديني..

لزم ايدي وكعد على طرف القنفه..

مقدام : دُرتي

روحي انتِ..  تدرين بيه احبج؟! تدرين بيه مااقصد ازعلج..

اني كل وقتي الج ترى، بس عندي كم شغله كلت اسويهن واجي اتفرغلج واكضي وقتي كله وياج..

دُرة :كتفت ايدي وعوجت حلكي ماعاجبني..

بس اني تركت دراستي بسببك تدري او لا؟!

مقدام ' ترى اغلبية النسوان تاركات شغلهم وعايشات بالبيت وبعدين راح تكونين ام، وهاي اعضم شي بهالحياة.. مابيها شي اذا كعدتي بالبيت

_دااريد احجي وصرت عصبيه قصده مااكمل بعد

رفع ايده يمنعني واسترسل بكلامه :- بس انتِ اذا تردين تكملين اني مستحيل امنعج..

اني اول ماتزوجنه صح منعت تكملين دراسه، بس هذا ميعني اني ميعجبني تكملين لو اريد احبسج هنا..

اني كل ما بالموضوع.. ردت تبقين بالبيت لحد مااخليج تتعودين عليه وتحبيني ولو ربع حبي الج؟!!!

اني مااكدر اكمل ويا انسانه متحبني، اني جرعت المر لحد قبل كم شهر من كلبج حن وكمتي تكنين اليه مشاعر

حتلو بسيطه بس اني راضي..

بس اولدي بالسلامه وسنة الجاية سوي التردي..

ماشي عمري؟!

فاتح عيونه ويباوعلي يأكد على كلامه

هزيت راسي، ماشي

بس اني نعست اريد انام راح اكوم للغرفه..

ماشي كومي..

سندني ووصلني للغرفه نومني وغطاني باسني براسي وطفى الضوا وطلع..

توقعت راح يروح يكمل شغله

لفيت نفسي باللحاف ومدري شبيه ضايجة خليت عيني ع المخده وغمضت حيل...

حسيت بصوت الباب طلعت عيوني شويه

اجة وجايب ويا الاشياء اليريدهن وكعد قريب عليه وكمل شغل..

----------------------
نهى، يااا منو كلك اريد اجي ؟!

صالح :اخخ ياربي انوب كام تدلل على راسي واني راح انام ع الواكف من التعب..

اذا تردين كومي بدلي واخذج ويايه للمدرسه نجيب امج ونجي متردين بكيفج..

نهى : اي اي كايمة هاي شبيك نحس خالو

صويلح.. لسانج ادبسز يلا ركض
نهى : اي اي ثواني واجي

طفرت صرت بيب بيب، بدلت بسرعه وخليت مكياج اخف مايكون مال استعجال..