كأننا لم نحترق

البارت الخامس

#كأننا_لم_نحترق

الكاتبه #كوثر_محمد

البارت الخامس

ثاني يوم ورى مارجعت من دوامي اتفاجأت بوجود سيارة مقدام گدام باب بيتنا.. احس مقدام صار شخص من عائلتي گد مااشوفه!

راح الخط واني واكفة كبال الباب ادك محد يفتح، هوووف طلعت موبايلي من الجنطة اتصل عليهم
انفتحت الباب نهى
دفعتها بأيدي وفتت واحجي وين صرتي يمعوده صدوك تحچين شاتلتني بالحر!

نهى : شبيج مو جنت جوه وبابا صاحني كال افتحي الباب
دُرة : ماگام هوه فتحها لعد.
نهى :مو سي السيد مقدام هنا، وبعد مستحيل بابا يكوم من هوه هنا، صدك تدرين تره مقدام هنا

حجيت واني ادخل من باب المطبخ، اي ادري بي هنا و شنو من شوكت جاي؟ ويبقى ع الغدا

نهى :يمكن يبقى شو ابويه جاب سمچ شوي وعدنه احنا مرگه
دُرة : عقدت حواجبي باستغراب واردفت :-مو من عوايده؟ احنا اصلا منشوفه واتذكر قبل قبل يسيرون أقل الساعه ويرحون

نهى :رفعت اكتافها بعدم معرفه.. مااعرف

دُرة : ممم خلفوت اسبح اغير ملابسي واجي

رحت للغرفة طلعتلي دشداشة خفيفة لونها وردي فاتح توصل للركبة ومابيها هلگد شغل.. بس رسم بسيط من الصدر

ورحت للحمام غسلت ياله رجعت صحصحت .. طلعت لافه المنشفه على راسي وانشف بشعري..

وسمعت صوت بابا يحجي
لا لا اطلع ماكو احد هاي المغسله غسل ع راحتك واتوضى..

المغسلة صايرة يم الحمام لزگ واني هستوني طلعت من الحمام فـ صايرة وگفتي يمهة.. اني سمعت كال هيچ ونزيت اركض لغرفتي اريد اصعد الدرج مدري شلون

صرت بيب بيب طيارة مدري صاروخ نص الدرج واسمع صوت باب الاستقبال انفتح يعني طلع اجة للمغسله
بعد شصار ماصار ماادري اني اخذتها ركضة لنهاية الدرج لحد ماوصلت الغرفتي فحطانة احس العرك كام يزخ واني هسه طالعة من الحمام

وووف نزلت المنشفه ذبيتها ع الكرسي الاخمر الصاير قريب ع جربايتي،، و گعدت ع الجرباية اخذت نفس

شهيق زفير مادري من الركضة الركضتها لو من الفشلة اذا شايفني لو من شنو؟

مديت ايدي ع الكومدي البصفي شلت موبايلي دست ع رقم نهى واتصال

خليتة ع اذاني منتظرتها ترد حتى اعرف اذا دخل للاستقبال لو لسه بالصالة..

لان ادري بيها الموبايل ميوكع من ايديها حتلو بنفس البيت نتواصل هيج مرات هواي

... رن رنتين وردت..

نهى :ها ولج!

دُرة : هذا طب للاستقبال لو لسة بره؟