كأننا لم نحترق

ة البارت السادس

طلعت #كأننا_لم_نحترق

البارت السادس

للكاتبةة كوثر محمد

دُرة..اليوم خلص الدوام ورجعت للبيت روتين عادي من غدا للسوالف القليلة الموجودة بداخل عائلتنا

طبعا بابا ماجان موجود رويده كالت عنده شغل..

إلى ان انتهى وقت الغدا واليوم المواعين مو عليه رحت باتجاه الغرفة واني اتثاوب ونعسانة صايره كسوله بشكل ماادري ليش

طبعا اعتقد لان اول بداية السنة ودوامي اتأخر يعني صحيح مرت فترة بس تبقى فترة بسيطة مو كولش هواي ماتأقلمت

تلفلت بفراشي نثرت شعري ع المخدة ويه النعاس البعيني وبرودة الجو نمت.. لشوية ووو..

آه راسي مااكَدر شنو هاي الدوامة؟ متاهه اتحرك يمنى يسرى اريد افك نفسي هاي شنووو؟

متربطة بحبال وسلاسل وكاعده على تل عالي وصوت قوي يجي من ورايه بفحيح والانفاس كأنُ الدايصير صدگ

تلفت اعصابي اريد ادير راسي مااگدر متشنجة اويد اطلع منا واخيرا كدرت انطق بعد ماجام الساني هم ثگيل ومينطق...

صرخت بصوووت عااالي فكوووووني اريد اتنفس مختنكةةةةةةة فكووووني اخخخخ اريد اتحرر مناا منو انتَ منووووووو؟

- اني هه وهمس بفحيح تسألين منو اني.. انتي اكثر وحده المفروض تعرفني

- ابچي ومختنگة وجبل نايم عليه عبالك!

اخخ ياالله.. حباب حباب منو انت بس عيفني مااكدر بعد
ابجي واحچي.. واناشغ وكأن الدايصير دياخذ من عافيتي

تقرب عليه أكثر وصار الصوت عبالك شفايفه على اذاني!...

اني حياتج الجايه يا....

بنفس الوقت الراد ينطق بي اسمي فزيت شهكاتي عاليه كأني كنت بحرب.. العرك من كل مكان بجسمي من اني مشغله تكييف.

متعرقة وعيوني صايرة حمر! ليش هيج ليش استسلمت ودموعي نزلت وحده ورى اللخ قبل لاتنزل وحدة الثانيه توگع عبالك دموع سنين وسنين؟

اخخ كمت اشهگ لان فعلا تعبت فتره وفترة تجيني هيج أشياء ترعبني ليش ليش يااالله

طبت نهى شهكتت ويه مافتحت الباب وشافتني..

نهى : عزاا وج هاي شصاير بيج؟؟ ليش تبچين
وتقربت عليه تريد تكمشني

دُرة : وخرت ايدها وكفيت الغطا من عليه شديت شعري بأيدي وكمت للحمام

نهى تركض ورايه شبيج ماشبيج

دُرة : سديت باب الحمام وكفت كبال المرايا شعري منكوش الخدود حمر من اثر المخدة و الدموع غسلت وجهي بالمي بعدين فتحت الدوش ووكفت جوا هنا بعد مابجيت ولا شي