كأننا لم نحترق

تكملة البارت الثامن والعشرون

حلوة لحد ورا شويه عم الهدوء بيناتنا وهوه بلش يحجي..

حسيت طلع كل البكلبة..

مقدام : دُرتي، وطبع بوسه على جبيني، اني حسيت نعست لان الغرفه هدوء وظلمه وبس اصواتنا تطلع وهوه يحجي بهدوء، واني ذابه ثكلي عليي

وهوه يحضن بيه حيل...

من اليوم نبدي بدايه جديده، خلي نعيش باقي حياتنا مثل منحب، بس لتبعدين عني

والخلقج اسويلج التردي واصير مثل متردين بس لتنعادين هواي اني مخبل مرات

بس احبـج احس روحي بيج...

باليوم المااشوفج بي اتخبل حرفياً، بيوم الابتعدتي عني حسيت روحي طلعت، من شفتج رغم جنت ضايج وزعلان واعصابي منهاره

لكن.. حسيت ردتلي روححي..

لتعوفيني بيوم... حتى من اصير عصبي لتعيفيني، وشوفي بعينج... راح اصير مقدام ثاني...

اني مار بضروف هوااااي كُلش هواااي.. بيوم الشفتج حسيت للحياة معنى...

دُرة : زين ليش اني؟! شنو المميز بيه

مقدام - جر نفس كلش قوي وكال - مااعرف اسألي كلبي الادبسز هوه شافج منا وهوه ماعت روحة منا

دُرة :طكيتها ضحكة رنت رن هههههههههه هاي صدُك تحجي؟! توقعت حتكول كلام رومانسي وخر مقدام شو وخر هههههههه
سحبني عليي ورجع مقيدني بأيدة ومبتسم
مقدام : شسوي قابل مو اني لو بيدي اكيد يعني مااختار بنيه متحبني!!! بس كلبي اختارج
حاولت اجذب نفسي واكول لا مااحبها بس طلعت اخدع نفسي اصلا...

يوميه امشي الكه نفسي كبال بيتكم، اشوفج من تطلعين من تطبين اكثر من طلعه انتِ طالعتها ومتدرين بيه امشي وراج اصلا!!!

اني جنت احاول انسه حياتي بالشغل، بس لكيت نفسي ناسي حياتي وحتى الشغل كلهن ناسيهن بيج..

تتذكرين من ردتي دفتر؟؟؟!!! وانتِ الله يسلمج اختيارج صععببب بحيث بيومها للمغرب انتِ ونهى تدورن بالمكتبات القريبة منجن واني جنت وراكم

دُرة : فتحت عيوني مستغربه صخااام جنت ورانه!!! خليت ايدي على حلكي واضحك مستغربه ماجنت متوقعه يعرفني بيومها اصلا...

مقدام : لا جنت اعرفج وشايفج بس انتِ متعرفيني.. اي المهم... وصلتي للمكتبه مال حجي سلام البراس الفرع مالتكم شفتي الدفتر اليكتب بي الاسعار وعجبج..

كلتيله تبيعه إليه؟! كلج مكتوب بي وانتِ استحيتي تجادلين بعد سكتتي وطلعتي اني بيومها كلتله انطيها الدفتر واشتريته منه ههههههه...

دُرة : اي؟ وبيومها لحك ورايه ابنه الصغير وكلي هاي بابا يكول مااريده بعد حسوي سجل جديد
واني عبالي لان يعرف ابويه وهوه رجال جبير وحباب فـ سوه هيج