كأننا لم نحترق

تكملة البارت الخامس والعشرون

الحاضر..

زمزم : الله يحفظه كون هل وليد يمه ويطول بعمره ..
نهى :امين يااامي امين ..

زمزم :شبي وجهج اصفر وذبلانه مو انحلت سالفتج..
نهى :اووووف يمه اوووف الله ياخذج رويده ٱنتي
واخوج بـفد يوم .

زمزم :افاااا مايجوز تدعين على اي احد بنتي مــنــﹻـو ذوله ..
دُره :مرت ابويه واخوها الله لا يوفقهم دنيا واخره ..

اباوع لأمي تبلعم وسكتت :تحبيه ..
زمزم :كُلشي بي أذاني حبه غيرته شكه انانيته بيه
تأذي هيج حب ماينراد الشخص الي يمحيج ويستحقرج
هذا ميستاهل تضلين وياه حتى لو يحبج واني ابوكم ماحبني
ابوكم متملك رادني  وخلص لان الي يحب مايأذي ..

سكتنه حقها هي تعذبت وياه غمضت عيني واجر حسرات
كامت دموعي تنزل اجه ببالي دفاع الغريب جنيد عليه
وشك ابويه بيه ..

زمزم: شبيج يايمه…
نهى :أذوني هواي وبچوني امي هواية الي مفروض
يصير سند اليه گسرني ابويه يشك بيه وصدگ بلغربه
يمه اني مالحگت اتهنى بشهادتي وفرحتي بنجاحي
من السادس لان بيومها انسحلت من شعري ..

ابن الكلب اخو نهى گالي اتزوجج حتى اخلي يحترك كلب دُره
طلع الحيوان يعرف بـ الولد الي مهكر فوني
ومفبرك محادثات وابويه الرجال المصون ماتعب نفسه
وتفاهم وياي ضربني ضرب الحيوان مماكله ومرته
تتشمت الحيوانه اوف يكلبي ومن الصبح
لبست عباتي وحطيت هدومي وكل غراضي حتى
شهادتي والذهب مالتي ومستمسكاتي اخذتهن من
عنده وجيت لدُره…

زمزم: حسبي الله ونعم الوكيل يااااظلام شمسوين ببناتي
لكم حسبي الله عليهم الله ياخذ حقكم يااارب ويهدي بالكم
ومن اليوم الي يتعرض الكم وراكم سند وعااائله تسد
عين الشمس زلم تاخذ الحگ من حلگ السبع ..

بجيت على كلامها المفروض حــچي ابويه هذا
اباوع لدُره لزمت بطنها وتحاول تغفه بس دموعها
واضحه كلش …
ابويه الي جان حارم امي من عندنا وحتى متدري وين احنا لو امي الهسه ياله ضهرت بحياتنا من نلاصت حياتنا
مرت الليله بالم من اصعب واحلة ليليه بحياتي فضفت
بشكل فضيع ومن كلامها حسيتها سند الي صدك ولو يجي
ابويه عادي اني مو طفله وامشي بكيفه اضل يم امي ..

دُره
بطني نغزتني غمضت الوضع صعب حيل عليه اني
مو مثل نهى اني متزوجه وشلون سويت هيج وسافرت بدون علمة زين ليـش داتذكر وضعنه سوه اتذكر انفاسه الي بجسمي
من يبوسني ومن يتقربلي ودگات گلبه الي كلش سريعه من اخليي ايدي على صدره .. حبه لهفته نظراتة
گلبي يوجعني غلطت كُلش غلطت
امي نامت بنصنه حضنتها قوي ٳكو شعور بداخلي احس
اريد احد ياخذ ضعفي وخوفي ...

زمزم : شششش يمه اشششش اهدي حتى لو عرف مكانج
اني احجي ويا واذا لا سامح الله انفصلتو مكانج ببطن عيني..