كأننا لم نحترق

تكملة البارت الخامس والاربعون

بعد فتره عرفت ابوج مار من يم بيتنا رايد يجينا وسامع الصياح واصواتنا عالية بس مامساعدنا

ليش؟!

يكول جان عبالي مشكلة عائلية مااتوقعت

دُرة : رفعتلة عيني واني متحسفة ع الصار وع ردة فعل ابوية

لو مساعدهم ماجان صار الصار

بس هسه شنسوي الصار صار هسه همي اخلي مقدام يرتاح كلبة ولو شوية

ميلوم نفسه هوه السبب بالصار

لان مااله سبب، هوه طفل بالعكس اصلا جان ممكن يتأذى هواية

حاول بايدة ورجله يساعد امة بس ماكدر

الكاتبه الله صار..
تنهدت واني كمشت ايده..

خليت راسه على صدري شويه وحسيته غفى نومته عدل ع القنفة وجبت هم
غطا
غطيته وصعدت ركض لندى

جان يوم متعب!!!

ليش اني ماجنت ادري بهذا

اوف يامقدام شمتحمل انتَ واني ماادري؟!!

ربي يخلينا البعض واخليك تنسى شكو جرح بحياتك...

منظره ميروح من بالي وهوه مكسور وحزين بهالشكل.. مقدام الشخصية القوي النحس

الشخص من يشوفه يهابه من كد ممبين عليي الشجاعة والقوه

غمضت عيوني ونمت..

ثاني يوم حسيت باوعت ع الساعة يووو متأخره
ب٩ ونص

ماكعدت ويا مقدام..

هسه اكيد بالدوام لان موقت منبه وموبايلة يمه هسه اكيد كاعد وسابح وطالع يحس ادري بي ميضل نايم..

اهتميت بنداوي شوية ولعبتها ولو هيه حيل صغيره متعرف شي بس اني احب العبهة

سويت ريوك وكعدت اتريك

مر اليوم طبيعي لحد ماصار الظهر وقت يجي مقدام.

جنت كاعده اباوع مسلسل ومخليه الحب اكرز بي يمي'

وندى نايمة.. اني مجهزه الغده ع الطباخ وكُلشي مرتب

مشغله عطور بالبيت الاجواء طالعة فدشي

شمر سويجة ع الطاوله اني كمت

بوسته من خدوده.. الله يساعدك حبيبي

احسة لسه وضعة مو تمام.. لسه تعبانة عيونه اثر الصار البارحة

مقدام : هلا بيج حبيبي

دُرة : صلي وكمل بين مااصب الغده

هز راسه تمام..

كملت صب هوه اجة كعد يمي

فرك كصتة وباوعلي وخله ايده على لحيته..

مقدام : معليج بالتمسلت الكلته البارحة