كأننا لم نحترق

تكملة البارت التاسع والثلاثون

#كأننا_لم_نحترق
البارت التاسع والثلاثون
الكاتبة كوثر محمد ..

نهى : عدلت كعدتي زين، منتجية ع الجربايه وكاعده بس مدده رجليه.. مغطيه جسمي للحزام باللحاف

باوعت للصوره... جنيد
وفجأه صار شبح ابتسامه على وجهي.. كتبتله..

.. منو؟!

- استغفر الله.. انتِ ليش ثوله؟!،يعني منو ماشفتي الصوره

ضربت على كصتي اي واني اعض طرف شفتي ع الثول الصوره كبالي وادري يدري راح اشوفها بس اني فعلا ثوله

احم خلي اكتب شي يلملم ذكائي التطشر..

نهى : ترى ماانتبهت، شنو ماعندي شغل وعمل اكعد اباوع بصور الناس؟!

َجنيد : اني متأكد شفتي الصوره، بس يلا اسوي نفسي ماادري..

شلون صرتي؟ هاي عود كلت لتغلسين

نهى : معليك

جنيد : ها رجعنا للسان الطويل؟

نهى : ليش شوكت راح اللسان الطويل؟!

جنيد :مو عبالي شويه عقلتي

نهى : شقصدك اني مخبله؟!

جنيد : ياريت

نهى : صرت عصبيه شبي هذا ويايه اوف بس يريد يضوجني.. رفعت شعري ليفوك ورديت

.. شنو ياريت شداتمسلت انتَ؟!

جنيد : دااتمنى شبيج؟!

نهى : احس عيوني نطت.. من العصبيه اريد اكتب أاحسة يستفزني

اخذت نفس واني اغمض عيني ورجعت زفرته..

كتبت :- اي اتمنى اني شكو شايفني شجرة امنيات؟!!!

جنيد : بكيفي معليج.. وملاحظة انج غلستي على سؤالي؟!

نهى : عقدت حاجبي ياسؤال هذا؟!

جنيد : شلونج؟!

نهى : احس اكو شي بداخلي شعور مختلف مااعرف احس هوه هم يحس بهيج شي من يباوعلي او من يحجي ويايه..

ابتسمت واني اكتب وهاي شي ميصير ويايه دايما شنو المميز بجنيد؟! اني هم يحس بهالشي من يراسلني؟!!

هوه اكيد مو حب اني مااحبة الجنيد

بس يعني احساس غريب عبالك اعرفه او شخص قريب مني وبنفس الوقت يفهمني ومايفهمني..

رديت علي :- مالحكت احترك مره ثانيه ترى هستوني جنت يمكم
طلعلي جاري الكتابه بس طول شويه تال جاوب

جنيد : اي بس واجبنا نسأل، بالنهايه صار الحادث ببيتنا لتنسين؟؟

نهى : عوجت حلكي وضحكت مستهزأه بكلامه

:- تريد تنرفزني صح ؟! لان قبل شوي هم كلت هيج واني ضجت وكلتلك لتخاف اذا صار شي اهلي مسؤولين عني انته معليك..