كأننا لم نحترق

البارت الوًاحد والاربعون

#كأننا_لم_نحترق
البارت الواحد والاربعون
الكاتبة كوثر محمد
*
وكيف أستاء من أيامي وأنا أملك شخصاً ذا فؤاد رقيق ويساوي الدنيا كل الدنيا .

نهى : مخليه ايدي واحاول اركز، كاعده وكدامي الكتاب، دااريد ادرس عود شو عقلي صافن صايره حيل كئيبة ومالي واهس الشي مااريد احد..

اريد بس ابقى وحدي، الملل والكآابه متلبساتني.. تافأفت بملل

شلت شعري حيل ليفوك وربطته بالقراصة

خليت ايدي ع الكتاب اركز بي بلشت دااقرا سمعت صوت اتصال جاي إليه

عقجت حاجبي وذبيت القلم هاي الناس متريدني ادرس شنووو
شلت الجهاز باوعت، اسم المتصل جنيد

حسيت لااراديا ابتسمت، رديت عليي وخليت موبايلي ع اذاني تحمحمت

نهى : هلو جنيد

جنيد : هلا بيج، شلونج؟!

نهى : زينه الحمد لله انتَ شلونك وين ماوين

جنيد : معقوله دااحاجي نهى!؟

نهى : ضحكت وكلت :- شنو؟!

جنيد : لتجرين بحجيج ولج

نهى : شنو؟؟ منو جار بحجية

جنيد : لا شو هاي الشنو تطلع منج مدري شلونهه هيج غلسي ماكو شي

ضليت ساكته
جنيد : شوف اللسان رايح ولاعبالك انتِ نهى الهيلك ام لسان
شبيج ولج لسه ضايجة؟!
نهى : لا مابيه شي سلامتك

جنيد :كال بهمس، انتِ سلامتي

نهى : ضليت مسبهله.. شنوو؟!

جنيد :ها رجعنا

نهى : الـ شنو 

جنيد : للـ شنوو

وكالها وهوه يمط بيها مط ويتموع عود يقلدني..

ضحكت وخليت ايدي على شفايفي..

نهى : اني مااتموع هيج سندس

جنيد : لا ياهيلك صرت سندس؟؟!!
اني شورطني وياج ادري بيج لسانج زفر واني مااتحمل عاد يوميه عركة من الروس

نهى : هاي شبيك شموازيك تتصل عليه لتتصل ومنتعارك عادي يعني

جنيد : ليش هوه بيدي؟!

نهى : لعد بيدمن؟!

جنيد : شمدريني همه جانو يكولون واني اضحك.. اشو هسه صرت مسحول وكل شويه اصبعي يركض والكا متصل عليج

نهى : صفنت من كال هيج انوب تحمحمت :- شنو؟!

جنيد : خرب يوم الشنو..

لج احبج ادبسز

..

نهى : شعور متضارب احس عقلي يفكر بشي وكلبي سارح بشي جسمي ميتحرك