كأننا لم نحترق

تكملة البارت الثالث والعشرون

#كأننا_لم_نحترق

البارت الثالث والعشرون

الكاتبة كوثر محمد

أحيانا نحتاج أن نُخطىء ليسقط الذين لا يتمسكون بنا جيداً.

دُرة : قبل 13 سنه 13 سنه أحنا مشايفين امنآ ولا نعرف عنها
شي رغم مشايفتها بس احس شي بداخلي فرح مرت ساعه
محسيت بـ الوقت من دگ الفون كاميرا فتحت الاتصال
وسديت الكاميرا كلبي يدك بسرعه ..

شفت مره هاي امي !!!!!! شعر اسود الوجه ابيض
وممبين الكبر عليها ابد احس گلبي رح يوگف اباوع
على نهى دموعها تجري ولمت نفسها موقف مستحيل
افسره ..

زمزم:بنيااااتي يمهههه يبعد روحييييي ولچن يمه نسوووان
صايرات احجي شي اسمع اصواتكم ففدوه احجوا گلبي نار..
ماعرف شحجي عيني حرگتني من الدموع متت بجي
سديت التلفون ووكع مني حضنت نهى وعلى فد بچي

نهى : ماما هاي ماما اخخخخ لج هاي ماما هل كلمه نحرمت
اگولهااااا ليش ليش هيج تركتنييييييي ليشششششش ليشششش..
تحجي وتضرب بضهري متحس على روحها مالومهااا شما
تسوي مالومهااااا ششفنه احنا حنية اب ماشفنه أم ماكووو
مرت اب نذله بجيت وياها..

اجه اشعار مسج صوتي فتحته والشهگه لازمتني...
زمزم: حجت وهيه تمسح دموعهه .. ماتركتكم كل سنههههه اني اكتب وادز وحتى جيه اجيت بس ابوكم حسبي الله عليه الظالم ميخليني اشوووفكم
لكم روحي انتو بناتي تعرفين شنو بناتي ابوكم انذل خلگ الله

مسحت وجهه وحجت.. يومين فكرن وادزلكم خالكم يجيكم تجوني ماصدگت اعرف طريق الكم ....

وحده باوعت على الثانيه احس روحي حايره فزيت على فتحة الباب وصوت مقدام كمت ومسحت وجهي وحجيت: ششش
ديري بالج مقدام يعرف هاج ضمي الفون..

مسحت وجهي ورحت عليه شافني ابجي صرنه واحد
مقابل الثاني مشيت اشوف الاكل لزمني من خصري
سحبت نفس قوي ضهري على صدره لزمت ايده الي
على خصري وغمضت عيني ..

دُره :
سحب شعري وانفاسه على رگبتي باس بخفه وخرت
بسرعه ومسحت رگبتي..

مقدام : شلونها اختج ..
دُره : اكعد يمها ه‍ﮧسة اصب اكل واجيكم..

مسح راسه وراح ايدي كلها ترجف بلگوه صبيت افكر
بأمي هي تذبها براس بابا وبابا من نسأله يتهرب لو يصيح
علينه جسمي كله يرجف صبيت وصحتهم صوتي مبحوح

: يله ناكل بلشوا.. رحت اغسل وكعدنه مقدام منطلق سوالف
وي نهى وهي تصفن وتبتسم هواي افكار ببالي تنهدت وكمت
ووياي نهى صبت جاي ورحت يمهم هسة شسوي اكله او لا
فزيت مِن صاحني نهى صعدت نامت واني كاعده وحدي ..

مقدام :دُره دُره تعالييي..
كمت صعدت فوك سالفه تجيبني وسالفة توديني دخلت
للغرفه جان ينشف شعره تنهدت وكعدت ..
دُره : ردتني..