كأننا لم نحترق

تكملة البارت الثاني

تكملة البارت الثاني
دُرة :لكيت مجموعة بنات تقربت اسألهن اردفت السلام عليكم

ردت علية وحده منهن

وعليكم السلام كولي!؟

- بلا زحمة وين قسم هندسة معادن مرحلة أولى؟

رمشت بعيونها الي ماادري هاي رموش تركيب لو مسكارا بس شنو من نوعية هاي؟؟؟

لو لون الحمرة اشش اشش دُرة صنفتي البنية تصنيف استغفر الله..
كالت

- إحنه هماتين وياج اصلا انتِ واصله هاي فوتي منا

لو اكولج امشي ويانه لا تتيهين انوب بس صديقتنا تجي حتى نروح سوى

وگفت يمهن امري لله.. ثواني وكالت هاي اجتي مريم.. بنيه حلوه ذات وجه بيضوي ابيض ملامح نازكة ابتسمت وگالت ها بنات منتظراتني

ردت عليها هاي ام رموش عاليه.. هههههه اذا مننتظرج ننتطر منو ديلا عيني خنفوت للقاعه

دخلنا للقاعه كبيره وواسعه وبيههه مجموعة ستيجات مااعرف عددهن بس هواي   وبالمقدمه ميز اكو اكيد هذا للراح يدرسونا دكاترة ودكتورات

..والسبوره چبيره حيل تقريبا نفس الچنت مخليته ببالي مااتفاجات بس حببببيت..

اخذتلي صفنه ع القاعه ركن ركن شوية  اجو مجموعات كومة طلاب ورانا واحنا هم كعدنا وتحضرنا

وتجمعت الطلاب بالقاعه وصار هدوء  ..

اول شي صار دخل العميد سلم علينه وألقى محاضره  اووووووووو طويلةة عن  الزي والالتزام  وغيرها وغيرها.. قوانين ولازم نلتزم بيهه

شويه وبلشوا الدكاتره يجون تعرفو علينا اسماءنا وكذا..

دخللونا اثنين واحد دكتور اكرم والثاني ماسمعت اسمه كال بصوت ناصي

خلص وطلع  اني هم

طلعت بره و لحد الان ماعندي صله بأي احد

كعدت ع المصطبات وظليت اتأمل بجمال المناظر عالم اخر كانُ..

شوية ورجعت تقربت يم قاعتنا شفت بنيه اجتي تركض وشايله تنورتها ومطلعة من سيقانها نصهن تقريبا

حجت بلهفة.. ها ها اجة الدكتور صخام الصخمني
لج اجة مو تحجي وتمرعط بخدودها ثولتني ثول..

واني هم اخذتني الموجة وياهه وكامت الافكار تتراطم ببالي

عزا بس لا دخللنا دكتور واني هنا يبووووي.

الباب مال القاعة مغلق يحظي اكيد يعني داخل دكتور!!

تقربنا يم الباب ودگيته على كيف..

إجاني صوت خشن ورجولي سامعتة اني؟!

- تفضل

فتحت الباب بهدوء واوخر بأيد البنيه الي لطشتلي لگيت الصدمه هذا هذا هذا