كأننا لم نحترق

البارت الثامن

#كأننا_لم_نحترق

البارت الثامن

للكاتبه #كوثر_محمد

لثاني يوم گعدت على صوت نهى تندس بيه.. وتحچي بهمس
كومي كومي، بابا يريدج.. وراحت سمعت صوت باب انفتحت ورجعت طبت!... اقتربت عليه صار صوتها يم راسي

ولج كومي فضيني وتدغ بيه حتى اگوم..

بالشافعات كدرت ارفع جفني وافتح عيني احس بتعب فضيع منتعوده اسهر..

مطيت نفسي بالفراش وحچيت :- خير شتردين شيريد ابويه؟

نهى :- مدريني اني؟ كال صيحيلياها ضروري يريد يحاجيج قبل ليطلع

رفعت راسي من المخده شنوو ليش يطلع؟ مو يوميه يطلع ورانا؟.. ساعة ببيش احنا بعده وقتنا ماصاير مادگ منبهي؟
َانوب فتحت عيوني صخااااام كله ولا صار وقت دوامي وماكعدتيني واهز ايدي وراح كل النعاس اصلا  اتنشطت

عاد هيه رأسا هدتني بكلامها من كالت
نهى :- لا ولج لا بس اهدي شبيج انصرعتي وغمضت عينها وفتحتها..

الساعه ب٦ ونص يعني بعده وكتنه، يمكن كال اريد اروح للكوفة وميكَدر يبقى أكثر..

دُرة : اها خلشوف لعد؟!!

وكمت وكفت لبست شبشب مدري نعال مال بيت جابتليا نهى ذاك اليوم عباره عن هوسة دناديش بس حلو...

وطلعت فتحت باب الغرفه ونزلت بالدرج الم بشعري وره اذني..

صار كبالي المطبخ، وبابا مخلي بايده ستكان چاي وكاعد يشرب، صبحت عليهم ورد عليه هوه ورويده

بابا :- تعاي باباتي اكعدي خنسولف سوا بموضوع...

كعدت كدامه من بعد ماسحبت الكرسي وخليت ايديه ع الطبله ثنتتهن، واومئت براسي بنعم بابا تفضل كول!

بابا :- يمكن عرفتي اني عندي شغل وطالع

دُرة :- اي بلي ادري! وكالت تريدني بموضوع هم!

بابا:- مقدام يريد يحاجيج بخصوص العرض الي عرضة وطلب اخذ رأيج بس انتي مارديتي لحد الان جواب فـ كتله تفكر براحتها هالفتره مااضعط عليها

وهوه الولد تفهم وصاحب اخلاق تجنن ربي يحمي أن شاء الله

وطلب يحاجيج وع اساس هاللقاء هوه حيقنعج بي وان شاء الله تتزوجون بفتره قريبة هم
ورجع اخذ رشفه من الچاي

هوه يحجي واني صافنه ومتعجبةة ووجهي ينطي ألوان شحچي شكول؟..

كلت مااريد ليش دايلح؟

حجيت البارحة ويا وفكرت لغى الموضوع من باله تالي يفاجئني ويصدمني بمثل هالخبر!!

عجيب امره اصلا بحياته ماگال النه راح ازوججن على اختياري تحب ضغط لو شي من هذا القبيل