كأننا لم نحترق

البارت الرابع والعشرون

#كأننا_لم_نحترق
البارت الرابع والعشرون
الكاتبه كوثر محمد

مسحت امي دموعها اكثر من نص ساعه تبجي
وحاضنتنه نهى وادت توگع لو ما ولد لزمها وو وگفها ..

دره :مي مي نهى حبيبتي حبابه نهى گعدي كعدددي
لججججج كعدددي مالي غيرج … كعدها بلگاع بحضنه
كمت افرك بيدها وجها اصفرررر …

زمزم:للغرفه امير الله يخليك لغرفتيييي وانتي دُره
وياي .. جرتني فوگ وهذا الولد شايل نهى الي بدت
تصحى دخلنه لغرفه ركضت مفرفحه على السرير
الزم ايدها وابوسها..

زمزم:صيحوووووو عمار يشوفها الله يخليك امير
روح صيحه بسرررررعههههه …

ذو الفقار :ناخذها مستشفى…
دره : لاااا لااا هي حتگوم لخاطري نهى گومي..

اجاني صوتها الگوه طالع : وخاطرج غالي عندي ..
زمزم: نسرين الاكل باع وجوهن سوده عليه ..

راحت كل الهوسه انتبهت على الغرفه كُلش كُلش چبيره
وبداخلها حمام امي متعرف شتسوي بس تحضننا كامت
نهى ووجها ميتفسر: مخاطرت بكُلشي حتى اجي هنا انام
اريد اعرف كلشي..

زمزم:حبيباتي بس ارتاحوا وغسلوا هواية وكت كدامنه..
دره :الحمام هذا مو..

هزت راسها وعينها تجري دموع جريت نهى اغسل الها
نزعتها شالها والكب وفتحت شعرها شويه ارتاحت طلعنه
شفت صينيه اكل شكبرررها على الچربايه..

منضر الاكل يجنن كلش مرتب تمن ومرگه ومشاوي
كعدت اني ونهى ..
نهى :لگمه مناكل اله نعرف شنو الي صار وذكرج بينه..

زمزم:تجن تاكلن وترتاحون يله احجي كلشي وعد وجوهكم تعبانه صفر..

نزعت شالي والكب فركت رگبتي وكعدنه يمها كامت تسوي
لفات وتنطينه احس انتخمت نضراتها تاكلنا تباوع وتبجي
نهى :شبعت والله بس احجي والله حموت ..

زمزم: حمدالله الف عافيه وهنا على گلوبگم اوديها
واجيبلكم شي تشربوه علما تغيرون ملابسكم…

شالت الصينيه اني كرهت روحي وبالي كله يم مقدام ويم
ام عماد الي على اساس تجي زين من تشوف ماكو
احد بلبيت تكول لمقدام او تروح وتترك البيت ..

نهى :هاج كومي بدلي وغسلي شوفي شعرنه ناگع
بعده مال غسلة العصر..
دره :والله صدع راسي اريد انام..

كمت غسلت وتوضيت ولبست تراك صيفي..
نهى هم ورايه كملت وگعدت بيدي الموبايل وقفت خطي طلعتة ومسحت كل
برامج التواصل حتة فون نهى هم خايفه منه حيل
خايفه..

زمزم:فدوه لوجوهكم زين ارتاحيتوا بدلتوا ملابسكم…
جتي يمنه گعدت ؛راح احجي ولتقاطعوني. ..

دره : منقاطع بس كولي ..
زمزم:اني تزوجت ابوكم وعندي 18 سنه كرهني بلرجال
زواجنه صار بسرعه مراهقه اخذتها مشاعر واحد شكاك
واناني حتى حبه وكلشي بي وجع رجال حقود ابوكم واناني
ولئيم حبيته وحبني من اجه هنا جان عايش هنا وي بيت
خاله تزوجنه وحملت بدُره وطرنه من الفرح حرمني
من دراستي كلت ترخصله طز بلشهاده ورا سنه حملت
بنهى مرت حياتي وياه سعيده الى بعد 8 سنين متزوجين
ثمن سنوات يجي يشك بيه ويطردني من البيت بسبب اتهام باطل ولكم طردني بعز اليل بدون مااستر نفسي لو ما اخويه
چبير مار عليه چان انه متت بذيج اليله داعيت بيكم اريدكم
منع عني كل تواصل مرت شهور اجه فد يوم يتعذر بس مالكيت منة اي شي يدل هوه ندمان بالعكس كلمني بطريقة حقيرة مارضيت ولعبت روحي منه طلكني
وحرمني منكم اني بهل فتره سكر صابني مِن خوفي عليكم
رجعني اخويه الي وگفاته ماتتسولف رجعت كملت اول جامعه
عن الكل ابتعدت درست وهسه صرت موظفه اني الحمد لله
اخذت شهيق وكملت..
اول سنه اتذكر كلش زين اخر
يوم امتحانات ابوكم اجه اخذني من نص الكليه لبيت مثل
الكوخ بس مرتب شمرني بي
وو اختنكت متكدر تكمل عصرت عيونها وكملت..