كأننا لم نحترق

تكملة البارت الرابع عشر

وبعد مااتاكدت من نهى داتشرب جاي وسالفتها مطوله يعني متصعد هسه، طبيت لغرفتي وسديت الباب ورايه.. اخذت نفس وكمشت الموبايل..

همزين رويده صايره شاطره ولاكفة موبايلاتنا وياهها ممحتركات

طلعت رقمه واتصلت، رن رن مرتين ورد اجاني صوته
_الو!

ضليت ساكته مااعرف شلون ابدي احچي

مقدام : الوو..

هوه هم اخذ نفس وسكت..
سمعت صوت طگة الجداحهه، شغل جكارته يعني... اخذ نفس من الجكاره وزفره :- ماناويه تسمعيني صوتج؟!

دُرة : تحمحمت وحجيت بهدوء..

- اذا تزوجنا، تسدد كل الديون؟؟

مقدام : اليوم قبل باجر اسددهن

دُرة : اكيييد؟!!

مقدام : اني گلت كلمه ومااتراجع بيها

دُرة : يعني يرجعلنا بابا!؟

مقدام : ويرجع ورقة بيضة بعلاقاته ويا الناس الي بالشغل.. وتعيشين احلى عيشه ويايه ومحد خسران!!

دُرة : هنا اكو عندي شرط!!

مقدام : امري ..

دُرة :: زواجنا يكون بمدة معينه، واني من اگدر اجمعلك فلوس الديون تطلكنني وكل واحد يرجع المكانه..

مقدام : صفن شويه انوب حجة :- ههه يعني تردين تعتبري اتفاق مو زواج طبيعي

دُرة : اي تكدر تكول هيج

مقدام : ومنو كلج راح أقبل يجوز ارفض بالنهايه اني اريدج العمر كُله يمي وانتِ تدرين؟؟! لكن كتلج اخليج تحبيني قبل واليوم اعيدها.. رااح تحبيني هواااييي ومو شلون ماچان واخليج انتِ تگولين الغي الاتفاق..

ونعيش طبيعي..

دُرة : ههه مستحيل احبك!!

مقدام :نشوووف، بس ها اتفاقية ع الوقت مو اتفاقية بغير امور؟!

دُرة : شنو قصدك غير امور مافهمت؟!

مقدام : حجة بطريقه مستفزه، ويجر يحجاياته جرر..
يعني اليصير بداخل بيتنا طبيعي من كل النواحي سواء بالعلاقة زوج وزوجه لو بداخل البيت من أمور ثانويه..

كُلهن طبيعي..

دُرة : واني شسويت هسه؟!!

مقدام : نفخ نفس من الجكاره وحجة.. شنو شسويتي هسه؟!

دُرة : يعني اني اريد زواج ع الورق واتفاق وقت وهايهيه من اجمع فلوس الدين مالتنا اني انطيكياهن وانتَ تطلكني وهايهيه!! شنو الممفهوم..

مقدام : مااقبل بهيج شي اني، اريد زواج طبيعي

دُرة :ماشي لعد مو صوجك صوجي اني التنازلت وحجيت وياككك..
عطت بي وسديته ، اهووو هذا شمفكر نفسه