كأننا لم نحترق

تكملة البارت الخامس والثلاثون

#كأننا_لم_نحترق ..
البارت الخامس والثلاثون
الكاتبة كوثر محمد

دُرة : كالت روحي اذا تردين شيلي الاكل وخلي ع الطاوله الناكل عليها، شلت شويه ورحت رتبتهن ع الطاوله وهيه اجت ورايه خطيه مستحيه حيل

- فرحت بجيتج حيل، وابو يسور هواي يمدح بزوجج مقدام..

وسولفلي شويه يكول حتى ميطلع ويانا طلعات بعيده لان يكول الاهل بالبيت اخاف عليهم

وميريد يعيفج ويضل وياهم..

دُرة : هيه حجت هيج واني ركزت وياها،

مره طلعنا احنا وهوه جان مخلي راسه وشبه نايم يعني مبين تعبان حيل..

عاد زوجي دكله هورن هوه حس فتح عيونه،

زوجي كام يضحك كله شمنتظر؟

رد عليي اريد اجيب بيتزا منا ويكولون بعدنا مامسوين ومنتظرهم

ابتسمت تذكرت قبل فتره.. من طلبت بيتزا من مطعم احبة وتأخر عليه وكلبت خلقتي كلتله وين جنت؟!

ام ياسر : وين صفنتي دوختج مو؟!

ههههههههه لابالعكس، اصلا تونست ع كلامج اي كملي هههه

ام ياسر : اي هوه ابو ياسر طكها ضحكة ويكله من شوكت تحب البيتزا هلكد

عاد مقدام هم ابتسم وكله

ميخصك بعد الغوالي يحبو، عاد اني دااجيبلههم

هم زوجي رد عليي يكُله خوش ممشيك عدل ههههههه

دُرة : خليت ايدي على حلكي واضحك واستحيت هسه عبالها اني من نوع المسيطرات.. ووكحات َ.

دُرة : واني بيومها عبالي راح غير مكان ونساني، مادري ضل منتظرهم يسوون

ام ياسر : يا لعد ماجان يريد يكُول يمكن وعضت شفتها من جوة.. صخام بوجهي شكد عيب اخاف ميقبل واني كلت

دُرة : لا لا بس هوه بيومها جان تعبان ونسى يسولفلي عادي

ابتسمت وكملنا.. شلنا كُلشي ورتبت السفره..

_ عيوني تفضلو كملنا،.. كالت هيج واني جنت اريد مقدام

اجة شافني سحبلي الكرسيي، كعدت وهوه كعد بالكرسي البصفي..
كعدنا، اكلت شويه الاكل كُلش طيب برياني ودولمة وسوب لحم..

ابو ياسر : شخبار جنيد شلونه البذات اتصلت عليي مره وطلعلي مغلق..

مقدام : جان خارج العراق قبل فتره... بس رجع من زمان.. آخر مره سمعت امه تريد تخطبله بنت خاله وهوه متعارك وياها وطالع..

ابو ياسر : يااا هاي متعرف ابنها زين مخبل بس واحد يحاول يضغط عليي لو يجبره على شي يكلب آلدنيآ

' ربي يهديهم.. بلكي هالايام يجينا البغداد، نشوف وين نحلصه هالجنيد..

ضلينا نسولف واكلنا شويه وخلصنا وشربنا جاي.. واخذتنا السوالف..