كأننا لم نحترق

تكملة البارت الرابع والثلاثون

ثاني يوم جان يوم مختلف اليوم مقدام عازمة صديقه وكايلله انت وزوجت ضروري كُلش تجون واذا متجي ازعل عليك بالبدايه كلت مابيه حيل لكن شفت عيب اخلي مقدام بهيج وضع وارفض اروح فـ
وافقت

واكفه اختار.. شلبس!!..

طلعت بنطرون جينز ونسقت ويا تيشيرت وجاكيت مرتب وحذاء وسحبت جنطة صغيرونه خليت بيها عطر ومفتاح بيتنا كُلشي يصير حتى عندي نسخة وعطري الصغير.. وفلوس

داالبس بالحذاء واجة مقدام، ها حبيبي طلعتيلي ملابس لو اطلع اني

دُرة : لا مطلعتلك هياته ع القنفه..

مقدام : ماشي عمري

دُرة : كمل وطلعنه سد الباب وطلعت للسياره صعدت بالكرسي الامامي وهوه اجة

اباوعله ياالله شلون هيج حلو؟!

عضلاته جسمه طوله مشيته رزانته عيونه اخخ عيونه همزين هوه ودايمشي طلع مناظر ولبسهن، تقدم ع السياره فتح الباب وصعد..

حرك بينا السياره، كمش ايدي بأيده ويسوق بأيده الثانيه ضل يسوق تك ايد بس مسيطر اووي شو عجبني سالفة اسوق يلا بس خلنرجع وافتح ويا الموضوع..

مديت ايدي دااشغل شي وطلعت اغنيه تخبل

وبيها دمج وحيل حبيتها اما مقدام مبتسم ويسوق

واني ضليت مستمره ويا الاغنيه اغني

ومن وصل يكول

مقطع كلامه عن اذا متت اغنية حزينه بس حلوة
حجيتها ودااغني بصوت عالي'''

سمعت مقدام همس، اسم الله

اني هنا نسيت الدنيا ونسيت ابو الاغنية كبل نصيت الصوت وباوعتله

دُرة ': تخاف عليه لو كلاوات؟

مقدام : ههههههههه دكملي مو جنتي تغنين

دُرة : عبست بزعل اهو شبيك! عود بعدين اغنيلك بس دجاوبني اول، تخاف عليه؟ يعني صدُك تخاف تخسرني حيل وهيج نفس ميكولون بالحب اصير اعز منك على كلبك!! لو جذب يعني

مسح على وجهه ومبتسم تك خد ومركز يسوق

مقدام : اني يوميه اتمنى يومي قبل يومج، اني يومي ادعي بصلاتي ربي ينطيج من عافيتي قبل ليصير بيج شي

انتِ روحي ونفسي الاتنفسه ومحد يعيش بلا نفس..

دُرة : ابتسمت وكلتله، احم واني بعد احبك..

ماحسيت غير السيارة، شخطت ووكفت ومقدام اندارلي ابتسامته ولمعة عيونه شي بالخيال عبالك بحياتي ماراح اعرف اوصفه

بس بنفس الوقت، ماانسى هالنظره

مقدام.. شنو شكلتي؟!

دُرة : كلت بعد ميصير اعيدها تروح الهيبه ههههههه وحكيت طرف كصتي اخفي توتري