كأننا لم نحترق

تكملة البارت

ارجع هفف شايفه بيبي خالو صالح يترس صوبتها هم من هاي الهيج نوعيتها تنترس هيه والجيلكان بنصها..
تذكرت من بسام خلالي الورد بالجنطة.. من رجعت للبيت شفت الجنة جان فعلا بيها ورد مثل ماكال جنيد

مو كل مره شخص يخليلج ورد مرات تجي مصايب!!!!

خليت الشافطة.. بنص البرميل والصونده بالصوبه...

كمت اترس، واوخر بملابسي حتى ميصير بيه ريحة

بلكي ماما جايبه وياها عطر ادري بيها تخلي حبشكلات وياها بالجنطة...

شويه وانترست الصوبه، دااوخر الصونده شو هاي ضلت مستمره تذب نفط

ماحسيت اله النفط صار ع الصوبه وكام يوكع عليه

من الخبصه اصلا مااعرف شسوي، صار كدامي من احترك بيتنا والخوف سره بكل اطرافي

هناك جانت اختي يمي.. اني هنا ببيت غريب ومن الصدمة لساني نخرس

هيه ثواني وكبت الصوبه نار ومشت النار على طرف الصايه مالتي ..

الخوف اكلني وحسيت كلبي راح يوكف.. رعب

كمت اصيح بعلو صوتي ااااااااا الحكوننننييي مامااااااا وينكمممم ااااااااااااخ

ايدي ترجف اريد انزع الصايه احس رجفة صارت بكل اطرافي

ذبيتها بحركة سريعه مني واني احس نار صارت على رجليه

ماحسيت اله بزلم اجو من الديوانية.. يركضون لان الديوانيه يمي

اريد استنشق هوا مااكدر احس الخوفه تذكرني من احترك بيتنه تهسترت

شفت جنيد باوع ع الصوبه راد يطفيها وشافني باوعلي متفاجأ ممتوقع يشوفني هنا حقه..

مااحس اله  اجاني يركض ونزع سترته وغطاني بيها بسرعه وهوه يمشيني للصاله يطببني..

اسمع أصواتهم نخبصو وطفو بالصوبه.. وواحد يصيح عدت سلامات ان شاء الله

جنيد ضاب هدومه عليه حتى ميبين مني شي لان بقيت ببنطرون وقميص نص ردن جنت ارجف خوف واني اباوع للصار وبنفس الوقت الخجل خلاني اغط بنص هدومي...

جنيد : اشش عدت اهدي لترجفين

دموعي نزلت من الهبطه الاكلتها..

هاي كل الصار دقايق بحيث مااعرف شلون هيج مااستوعبت..

جوه هوسه مو الكل سمع.. بس المطبخ يسمعون شوية وال ديوانيه مال زلم قريبه عليه فـ سمعوني

اول ماطببني جانن نسوان المطبخ ملتمات ونظراتهن تبث القلق..وماحسيت اله بأمي اجت تركض مبين كلولها هستوهم..

اجتني تشبك بيه وكمشتني فـ وخر جنيد عني وهوه يمسح بوجهه متوتر.. حقه

باوعلي بنظره ماعرفت افسرها بس ضل صافن عليه وجفنه خمل شويه سند راسه ع الحايط الورا وهوه يتنهد حيله رايح عبالك
هوه شدعوه اني الكون انهبط انتَ شكو؟؟