كأننا لم نحترق

تكملة البارت السادس والاربعون

مقدام : دوخرررررر منااااك ابن الكللبببب

فزيت على صوتة كعدت عدل وعدلت نفسي وجان اشوف سيارة شكبرها متقدمة ناحيتنا بنفس السايد جاية خطأ ومدايعرفون يسوقون وصارو كبالو فيت

ماحسيت بس سحبني من راسي وهوه يعيط

ضميييييي الطفلللللة بحضنجججج

لافت السيارة بسرعة فضيعه حسيت نفسي طرت

راسي صاير جوه ايد مقدام وخوفي كله ع طفلتي ليصير بيها شي ومقدام مانزل راسة اذا صار شي النه يروح بيها؟!!

كلبي كام يملخني خوف وضليت اعيط واني مافاهمة شي
مقدام يسب ويغلط بعصبيه

وجان فجأه تصير دفعة بالسيارا من ورى والسيارة كام تروح يمنى تجي يسره اختل التوازن

مشت السيارة سريع ونضربنا بشي قوي نهزينا هز ووكفت السياره
ايد مقدام رخت اني كلبي وكف اخاف ارفع راسي واشوفه شبي احس راسي ثكل

اخر شي سمعته وهوه يكول بصوت مبحوح.. اخخخخخ
.......

نهى : ايدي على راسي افرك بفروتي وايدي الثانيه سحبت بيها كذلتي وخليتها ورى اذاني

ورجعت كمشت بيها القلم.. واحرك بحلكي يمين يسار

اريد استوعب الموضوع.. ماكو مدا استوعب..

الكليه صعبه اووف.. شنو هالمواضيع هاية لعبت نفسي

اهو اني صايره بومة كون اشوف احد يحفزني ع الدراسة صايره بس اتأفأف

غمضت عيني وابتسمت..

البارحة جنيد جان يخابرني خطية مشغول هواية ورغم كلشي يتصل علية باستمرار.. حتى مرات نبقى ع الخط
هوه يشتغل واني ادرس..

بعدني ع صفنتي وجان يدك موبايلي
جنيد...

رفعت الموبايل بايدي ورديت علييّ وخليته ع اذاني

نهى : الو

جنيد : هلا يبعد روححي شلونج؟!

نهى : احجي ويا واني عيوني تلمع بحب..
لحمد لله بخير انت شلونك
همهم وهوة يحجي واني اسمع اصوات يمة
جنيد : دومكم ان شاء الله اني بخير اسال عنكم

شلونة الحجي شخباره

نهى : ههههههه منو يمك

جنيد : اي اي صح جانو مموجودين بس هسة صادفت اجو هلا بيهم

سمعت واحد صاحلة :- منو الاجو انتَ ما تقصدنا مو؟

جنيد : لا ماااقصدكم

نهى : هاي ع حظك اجو ههههه يعني اول مااتصلت علية ماجانو موجودين ويا مارديت اجو؟!

جنيد : بالضبط هيج
يلا اخذو راحتكم

نهى : عدلت كعدتي.. وين؟ لا لا عيني المباع لايرد ولايستبدل

المكالمة التبدي متنتهي هيج اصبر خلنحجي شوية