#كأننا_لم_نحترق
تكملة البارت
الكاتبة كوثر محمد
دُرة : ضليت بحالة ذهول منصدمة شبي هذا؟! شيريد مني هسه انوب رويدة حتجي تصيحني
صخام بوجهه.. شگد عيب.. هسه يكول يردون يذبون بنتهم عليه لو عادي بنتهم تحجي ويا ولد غريب
واصلااا ماسالته هسه شتريد منهاااا؟؟!
اشرت رويدة النهى :- حبيبتي كومي صيحي الاختج..
نهى : هزت راسها وكامت.. اي
صعدت نهى رادت تطب لغرفتنا صحتلها بصوت ناصي بس بس بس نهى .. اني هنا
شو هاي اخترعي وخلي ايدج على كلبج وشهكي ذيج الشهكة
كمزت خليت ايدي على حلكها نصيييي صوتتتتجج اششش
وهاي توخر بايدي وتحجي تدردم
نهى : يمااا اخترعت خرب يومج شتسوين هنا جنج بزونه خاتله
دُرة : هيه تحجي واني الطم على حلكها، فضحيني بعد فضحيني وسحبتها من ايدها ودخلتها للغرفه وسديت الباب ورايه
هديت ايدها وحجيت.. تره اني مامسويه شي مجرد دااشوف شتحجون
شو هاي تخصرت وترفع بحواجبها وتغامز.. اوووي وليش تباوعين من فوك على حبيب القلب رغم مالي خلك احجي بس موقفج يضحك الصراحة
دُرة : كلبت خلقتي عقجت وجهي عقج من كالت هيج :- اكيد مو علموده بس علمود بابا اريد اسمع شيكول لااكثر ولااقل تدرين بيه مااحبه
نهى : تلعب بحواجبها منا ومنا وتحچي وتجر بحجايتها عود اني كاشفتج.. علمود بابا مو
وضحكت وهيه دموع بعيونها ضايجة ههههههه ديلا مصدكتچ مالي خلك الح بالموضوع
...
دُرة : يااا ولج صدكيني علمود بابا قابل علموده اكيد لا اني اكرهه المقدام ياا وخليت كذلتي ورا اذني
وسويت حركة بحلكي ايع .. ماناقصني بس اراقب مقدام تهي بهي وج صدكيني اكرهه ليش متصدكين من كال ذاك اليوم تجين بحظني مدري شنو اني كرهته
يلا المهم كوليله دُرة نايمة.. وديري بالج تصيحيني بعد ماشي؟!
نهى : صفنت بوجهها، بس انتِ منايمة..
هااا قصدج اچذب.. اي اي ماشي يلا رايحة
دُرة : مو تضحكين لو تبينين داتچذبين اكتلج تره!!
نهى : اي اي فهمت.. وفتحت الباب وطلعت
اني ضليت احوص وحدي افتر بالغرفه مخليه اضافري بحلگي واكرض بيهن وافتر يمين يسار يسار يمين
وجان تجي تركع الباب نهى ذيچ الرگعة خليت ايدي على كلبي ورجعت خطوتين ليورة، اسم الله شبيج
اكو واحد هيج يفوت استغفر الله اووف يما يما واهفي على وجهي، هبطتيني
نهى: اني الطكت روححي تره.. كافي عاد مللتوني يااصعدي نهى ياانزلي نهى خرب يومكم..
أنت تقرأ
كأننا لم نحترق
Romanceفتاة يجبرها والدها على الزواج من شخص لاترغب به لأجل ان ينقذ نفسه من بئر غميق وقع به... لتفترق يد فتاته من يد إبنته الأخرى... هل سيكون زوجاً لها ام سيكون مصيراً مظلماً مجهولاً؟! هل سيكون منقذي ام سيكون مهلكي هل سيكون زوج ! ..؟!إلى اين المطاف سيرمي...
