كأننا لم نحترق

تكملة الباارت

مختارة تراچي حلوات هم.. خلاهم ع الميز الجام مال الصايغ، والمحبس هم مالتي

دُرة : تقرب مني.. حط شفته يم اذني وخله ايده على متني لفني إله.
بلعت ريكي، تحمحمت وكمت اتحرك اريد اوخر ايده من عليه حاضني كُلي..
باوعت الصايغ ببداية المحل والبنات هم متطرفات يختارن.. ضهرنا عليهم عبالك مدنك يشوف الذهب ومحاوطني طبيعي مثل اي ثنين مخطوبين او يحبون بعض..  و مينتبهون هوه لاطش نفسه بيه حركاته زعجتني

مقدام : همست يم اذنها، اشششش اششش اهدي شبيچ تره احنا بمكان عام حتى مااگدرر اسويلچ اي شي اهددييي

شو راويني شداتشوفين، وسحب المحبس الجان بأيدي

كمش اصابيعي كام يتلمس. اصبع اصبع ويباوع بعيني يريد يشوف ردة فعلي ََ.
اما اني چنت جلمود، شي بداخلي مطفي مااريد يتقربلي بس مااگدر امنعه، واسوي هوسه هنا!!

وگفت ع الاصبع الالبس بي المحبس
لبسني المحبس صار على قياسي

رفع ايدي وباسها بهدوء.. شعر لحيته چكچكني..

رفع عينه إليه، وحچة :- طالعه تخبلين!

قوست حواجبي، يلا خلي نرجع مو اشترينا الذهب شكو بعد؟!

اتعدل وأخذ نفس، اي صار

راح حاسب الولد، كال تردون شي بعد باوع عليه وع البنات

نهى واخته ردن، منحتاج شي تسلم

اني لعبت نفسي كرهت وجودي اصلآ.. تحاسب ويا وطلعنه مااعرف شبيه

ركبت ليوره انا نفس من اجينه..

طول لطريق چان عام الهدوء اخته حچت شويه وسكتت..

مد ايده يشغل شي، طلع اغنيه لماجد المهندس (بين اديه)

بين اديه واحس انك بعيد،
ذوب باحضاني مثل قطعة جليد
علم العشاگ كيف الحب يكوون
بلا حواجز، احلى طعم الحب اكيد

زيد ناري خلي لجروحي ملح خلي نسهر ليلنا الحد الصبح

لا تفكر حبنا غلطاا ولا صحح!!

شما يعدي العمر حبنه يضل جديد

.. وتكملة هواي، الاغنيه كُلش حلوه..

ويا كل حجايه يحسب نفس من الجكاره

وهالمره اني الـ نتبهت، عيونه مانشالن مني ابددد

هه مااحسله بشي؟! رغم جمالة وشخصيته بس مااحس بشي!!
طريقتة السبب!! لو غير شي
..
من ردنه ننزل خله بأيدي علاگة بيضة مرتبه ََ.. وكالي هاي الج
ردت استفسر ماكدرت راح حرك السياره وطلع وقبلها رفع ايده سلم..

رجعنا ومر اليوم طبيعي، العلاگة چان بيهه فلوس مبلغ محترم..
هاي الجهاز مالتي..

اجة وكعدنا اني ويا وبابا، وتحدد العرس الخميس الأربعاء الحنه