كأننا لم نحترق

البارت الاربعون

#كأننا_لم_نحترق

البارت الاربعون

الكاتبة كوثر محمد

نهى : حجة وهوه مخلي المسدس على راسي وساحب اقسام..

بسام : انتِ حرة بهالقرار.. لو تموتين لو تتزوجيني وانتِ الممنونه

ابتسامه حقيره على وجه بسام جانت تخليني اكره الساعه السوده الماعطت بيها بجيت

ودرت عيني مااريد يشوفني ابجي ويستضعفني..

بسام :تؤ تؤ شبيج عيني! السنيورة نهى تبجي تخاف اموت

اوووي شو اهلج هسه مافادوج؟!
.. باوعتله بغضب، لتجيب سيرة اهلي على لسانك لاابتلي بيك..

بسام :شتسوين؟!، محبوسه هنا ومصيرج بأيدي،!

لو هسه اسوي الاريده واطلع هم محد يدري بالصار

فـ خليني هادي وياج ولتعصبيني يحلوه.. وطبطب على وجهي خفيف ويبتسم بحقاره

نشغت حيل واخذت نفس.. كلت بهدوء بي كمية غضب فضيعه

نهى : لو تكتلني هنا، مااخليك تلمس شعره مني واني اجر الهوى

بسام :عيونه نفتحن بغضب وحجة وهوه يمشي المسدس على كصتي.. نتر

- لتباوعين بهالصلافه لاافكس عيونج حيوانه..

لج كلج ع بعضج زباله مرره مصيرجن بأيدي انتن البنات منين مااجيبجن تجن

بس شفتج مستشرفة كلت اجيبج ببدله وعرس هه

نهى : اني شريفة غصباً عنك هاي المستشرفات يجوز امك لو خواتك اني معليه
لو اكولك شعليههن اصلا  يجوز امك متدري بأبنها شكد خايس وزفر مثلك

اباوعله بتحدي ومانزلت عيني ولابينت خوفي هوه يبتسم باستهزاء اردها اله حسيته راد يكتلني من صدُك من كد مااستفزيته بتصرفاتي..

بسام : لجججج هاي ويامن

نتر عليه حيل وجان يصفكني بالمسدس براسي ودفعني ليوره وكعت بالكاع

عياطه كام يرج بالمكان لان فارغ

بسام : لججج حيوانه انتِ تحجين على امييي وخوواتتتييي اليييوم اطلع حليب امج منج يااازفرره

نهى : هجم عليه يركعني  ويحجي من نصفكت كام يركع برجله بجسمي حسيت ورم جسمي

خدي صار ع الكاع حلكي احسة ينزف من اتنفس الهوا اليطلع مني يطير التراب البالكاع..
ضليت اون اه اه ياربي وهوه مستمر ولايهمه ابد
لميت نفسي بخوف وهوه ضل يضرب بيه برجله
دموعي بللت خدودي بوجع واني احس جسمي انتهى من الوجع.. اخر شي سحبني من شعري من ورا الحجاب وكعد بالكاع
يحجي بفحيح وهوه مقرب حلگة من وجهي، هااا شنو كمتي تبجين؟ اوووي وجعتج..