كأننا لم نحترق

تكملة البارت العاشر

كأننا لم نحترق
تكملة البارت العاشر

جسمي مكسر حركت ايدي احس معمصي مخلوع صحت بصووت اخخخخ وفركت معصمي اجاني صوت نهى من وره الباب....

نهى : ها دُرة يروحي كعدتي؟، شداتحسين دايوجعج جسمج
دُرة : عقدت حاجبي مستغربة.. وحجيت بصوت مبحوح.. نهاوي فوتي ليش واگفة ووا الباب؟؟!

اجاني صوتها الباكي، تبچي وتناشغ، بابا ميخليني اطبلچ ضليت نايمة هنا باليل يم الباب واجيت اجيبلج مسكن آلام.. اسمعج تونين بس مارديتي عليه يعني نمتي عرفتج

دُرة : اشتعلت نار فركت صدري استغفر ربي بالنهاية ابوية مااگدر احچي شي لو اتحسب عليي

نهى : مسحت دموعها ومدت  ايدها من جوا الباب

دُرة تعاي اخذي هذا المسكن.. مدي ايدج تعاي

دُرة : اريد اكوم مااكدر اول مره انضرب بهالوحشية!! حركت رجلي اشوفها صايره عبارة عن اثار ضرب ويوجعععننني وجع مو طبيعي

رفعت نفسي عن الارض وتالي خانتني قوتي ووكعت دموعي صارن شلالل، ابجي بهدوء حسيت بسكون صار من ماكدرت اكوم لعد شكد متاذية اني

... حجيت واني بلكوه يطلع صوتي.. نهى عيفي جوا الباب مدااكدر اكوم روحي انتي جسمج اتكسر من نومة الباب

نهى : مقتنعة انتي؟؟

لج مااعيفج بس حاولي شويه شويه تكومين اخدي علاج حتى تسكنين واني بس يكعد بابا اقنعه يفتح الباب

دُرة : كلت ياالله وجبرت نفسي امشي هالخطوات من الجربايه للباب احسهن ممشى سنه مو خطوات!!

مديت ايدي احذت الحبايه من جوا الباب وبقيت حايره ماعندي مي حكيت راسي بوجع وگلت، نهي ماعندي مي

نهى : سوده عليه شوف صوتج شصاير بي اووف مااكدر انطيج من فتحة الباب صغيرة حييل؟!

شسوي هسه.. صفنت شويه وكالت، تذكرت قبل يومين من طلعت اخذت بطل مي بالطريق لان عطشت وبقى بالجنطة؟!

شوفي اذا موجود اشربي منه ولو حار بس المهم يبلع الحبايه

دُرة : حركت رجليه بالم ادور ع الجنطة احنا نخلي جنطنا بالكنتور فـ اعرف مكانهن الهن رف خاص بيهن
..

جنطة المدرسة لو مال طلعة نهى؟!...

نهى : لا لا مو مال مدرسة الجنطة الحمرة البيها ذهبي مدري فضي من گدام

دُرة : ها اي لكيتها هاي اخذتها وفتحتها صدگ جان اكو بطل مي، طلعته وسديت السحابة ورجعتها للكنتور

سديت الباب ع كيفي وشربت الحبايه اجيت اشرب وراها مي ولان حار واصلا جان مكموخ بالجنطة وبالكنتور متتخيلون الطعم الصار بزردومي ضليت اريد الطعم يروح كلت اشرب بعد مي شربت أكثر حسيت حنجرتي حتركت
هيه منا توجعني من العياط ومتشخطة كد منقهرت