كأننا لم نحترق

تكملة البارت الثالث عشر

تكملة البارت الثالث عشر

-حسيت مدري من الهبطة مدري لان تأذيت من النار، على خشمي اكو مثل الأوكسجين نظراتي صارت واضحة داير مداير.ممرضاات

وخرت هاي مال الاوكسجين من على حلگي وخشمي وونيت بصوت اريد احد يندارلي ، اندارتلي وحده
_ ها عيني حمد لله ع سلامتج..

دُرة : جسمي جسمي ثكيل

_ اي اكيد منطيج علاج قوي ليش شلتي الاوكسجين

رجعي  رجعي .

دُرة : اجت رجعتليا، ووخرته مره ثانيه، اختي وين؟؟! رويده نهى وينهن هيج أسماء ماكو هنا؟؟!

اني منو جابني..

الممرضة : اجن وياج ثنين.. ووحده مره جبيره ووياهم ولد ثنين

_ قوست حاجبي شنو منو هذولة؟!! كلت اكيد من عمامي وولدهم..

الممرضه عوجت شفتها السفليه بمعنى ماادري..

بس اكو ثنين نفس حالتج حروق بسيطة وشويه مستنشقات دخان.. هنه بالردهه اليمنه

بس فولت هذيج الردهه فـ انتِ هنا خليناچ ..

دُرة : شلونهن؟! اگدر اكوم اشوفهن، احجي واحس عندي صعوبه بالتنفس لان موخره الأوكسجين

- عيني هسه رجعي الاوكسجين لتسوين هيج رجاءا انوب وضعج يصير صعب..

واجت رجعتليا، ماخلتني احجي بعد شويه واجتي ضربتتي ابرة.. وهم حسيت بخمول ونمت،

اوف احساس المستشفى مو حلو نومة المستشفى مو حلوه..

شويه وحسيت بأيد تمسد على راسي وطبعت بوسة خفيفه بگصتي.. ثواني وكدرت اصحه وافتح عيوني..

شفت ضهر ولد اليه رفيع شويه وطويل ويحجي ويا دكتورة يكوللها.. شلون صارت هسه؟!

نكدر نطلعها

جاوبته.. اي ماعليها شي بس انتظر يروح شويه مفعول العلاج تگدر تفتح عينها واكتبلها مرهم للحروق وشويه علاجات وان شاء الله ماعليها شي..

هز راسه.. اي مشكوره.. ودار وجهه إليه

استغربت من شفته.. حاززم !

آخر شخص توقعته يجي قوست حاجبي مامرتاحتله..

اجة يم راسي :- شلون صرتي همزين كعدتي حتى نطلع خو متحسين بوجع؟!!

يحجي بلهفة ومبين خايف..

دُرة : شكراً حازم، اني تمام انتَ جبتنا لهنا؟! مشكور كُلش

رغم مااطيقه بس حسيت لازم اشكره ع السوا ويانه نقلنا للمستشفى وبقه يمنا.. وهوة مجرد اخو زوجة ابويه..

ابتسم ابتسامة شكت حلگه.. مستغرب اني احاچي هيچ..

حجة بلهفة وهوه فاتح عيونه ويهز براسه.. لا اصلا ماسويت شي