كأننا لم نحترق

تكملة البارت الحادي عشر

#كأننا_لم_نحترق
غمض عينه متحسف.. اي كتلك هايهيه

هذا العندي
بكيفك بعد
يلا الله وياك

رجع الموبايل ع القنفه سحب سترته ولبسها واسترسل بكلامه

عدنان : عيوني انتو اني عندي شغل.. تعالن سدن الباب ورايه

رويده : عيوني انتَ لتخوفني عليك من اتصل رد عليه

باسها من راسها وابتسم أن شاء الله

دُرة : دير بالك على نفسك

خله ايده على شعري خربطة ويضحك عيب يابه جبير اني كون أوصيكم مو انتو

نهى : الصغار هم يخافون ع اهلهم مو بس الاهل يخافون ع الصغار

دُرة : ديلا احنه يمته صغار..

كل وحده شكدها شطولها..

نهى : ابتسمت بهبل هههههه صدوك صحح

اني طويله

رويدة : والله اجتني حجايه بس اخاف اكولها وابتلي نفسي فـ راح اسكت وخلت ايدها على حلگها عود مااححجي

نهى : فتحت عينها تضحك.. لاااا تره اعرف شتردين تكولين؟!!

دُره : قصدج الطول طول النخلةة والعقل عقل الصخلة
نهى : اي هيه قصدها هيج

رويده : رفعت ايدها وابتسامتها حتشك حلگها.. بمعنى ماادري مااعليه..

دُرة : وج تره الاب وبناته طوااال

نهى : شفتي شلون تقصف بينه!!

رويدة : ياا نسيت انتِ طويله.. والله راح عن بالي...

نهى : شهكت حيل يعنننني تقصدددين عليه عااادييي
ااشر على نفس
باوعت الابويه ابتسامته بطرف حلگة

عدنان : يعني هسه لو عليج باالله نسكت بس شو ماكالت اعذرني مو عليك!! لو حتى نسيت انتَ طويل هاي هيچ صارت مااليه احترام بهالبيت

باوعنا على رويدة وجهه اصفر

تريد تحجي ترفع ايدها وتسكت تحرك لسانها وتسكت اااا اني ممم مو عللليك والله ي يعني م مدري هيج طلعت مني حباب لتزعل

عيونها دمعت كلت راح تنتهي البنيه
فحطنا ضحك وابويه طكها ضحكة وكَللها يابه مااعرفج قابل جنت اشاقه وياجن هههههههاي

ربي يحفظجن أن شاء الله يلا اني رايح

راح بابا وكل شخص راح المكان اني رحت الغرفتي وبلشت انضف بيها طلعت النفايات ومسحت الاخشاب وكنست الارضيه

صارت عيني ع الموبايل جريت نفس وزفرته مااريد اتذكر الصار

لشوية بعد نزلنا تعشينا وصلينا ومر اليوم عادي
لنص الليل بابا تأخر مموجود!! گلبنا ضل عليي وينه اول شي سوته رويده كالت :- اتصلت عليي