كأننا لم نحترق

البارت الثالث

.
#كأننا_لم_نحترق

البارت الثالث

للكاتبه#كوثر_محمد

دُرة.. طلعنا من البيت قفلنه البيبان وصعدنا بالسياره وحركنا صارت زحمة سير واني منطيه وجهي لشباك السيارة

حچت رويده : هذا مو مقدام بالسيارة السوده لو اني غلطانة؟

ويه ماكالت هيج اني باوعت ع الجهة الصايره السيارة بيها وضليت استرق النظر حتى اتأكد هوا لو لا بس حتى اتأكد مو شي ثاني ابد ابد

اردف بابا مأكد لكلامها اي هذا هوه

طوط بالهورن حتى ينتبهلنا ودار وجهة مقدام، ابويه رفع ايده يسلم علي هذا هم ابتسم نص ابتسامة وورفعله ايده بمعنى يرد السلام

واتحركنا وصلنا للمول نزلنا بابا وگال منتظر اتصال منكم حتى اجيكم من اكمل شغل..

طبعا بابا صاحب محلات اقمشة معروفه بالسوگ تاجر اقمشة

نزلنا طبينا للمول اول شي رحت ع محل الفساتين اخذت فستان احمر طوخ يجي مخصر ع الجسم وفوگا مثل البشت مستور وفستان اسود وبي خطوط زرگ ومنفوش وبي حزام

نهى ورويدة كل وحده اخذت شي وگالن نشوف غير محل..

فرينا ٣ محلات تقريبا.. هنا بالعكس هنه العجبهن ماعجبني وكفت رويده،

رويده : كافي بنات اني تعبت تره نروح نجيب عطور ونشرب شي ونكمل ها ماتعبتو ؟!

دُرة : يلا امشن لعد

دخلنا لمحل العطور النشتري منه دائما، اخذنه كل وحده شي دفعنا وطلعنا مشنا مسافه بسيطة.

و رحنا كعدنا طلبنا كل وحده شكل نسكافي وقهوه وعصير.. عجبها نهى اليوم بارد..

.. رويده :- بنات اني علكت بعد مابيه انتن حيل مملات بالطلعه ساعه تبقن تختارن واني مليت وتعبت هسه نكوم اشتري قميص وهايهيه

نهى : اذا مملات شكو اجيتي ويانه لو باقيه بالبيت لعد... شنو هاي

رويده : والله غصبا عليچن ترجعن ويايه بس قبلها اشتري القميص ونرجع

اذا تخربطت شلون بله؟

نهى : وماراح تتخربطين من تضلين تختارين بالقميص؟

رويده : اهووو اكلتني بگشوري يبتلي واحد يحچي وياچن لعد اني باقيه هنا منتظرتجن

دُرة : تره ماصارلنا هواي من اجينه وانتِ اشتريتي نفسنا هم
اصلا المحل الأول ماطولنا بي ومنيه الضلت تگول اوي هاي شنو التنورة هواي بيها شغل اووي هاي شنو التنوره خاليه ساده محلوه؟؟ لو هسه صرنا احنه الاخرناج؟!..

وبعدين هيه طلعه طلعه واني ورايه دوام مااگدر يوميه اجي اذا تردين خابري ابويه يجي ياخذچ وحدج.. اني ماارجع،