< ង៉ឺត!! > រថយន្តទំនើបបើកមកឈប់នៅខាងមុខភោជនីយដ្ឋានលំដាប់ផ្កាយប្រាំមួយមុននឹង Yoongi នាំសង្សាររបស់ខ្លួនចុះមករួចហុចសោរឲ្យអ្នកយាមបើកឡានគេយកទៅចត ឯនាយក៏អោបចង្កេះ Jimin ដើរចូលទៅ ។
« សួស្ដីលោកប្រុស មានកក់តុមុនដែរទេបាទ? » អ្នករត់តុប្រុសម្នាក់ដើរមកសួរក្រោយឃើញពួកគេដើរចូលមក ។
« កក់រួចហើយ បន្ទប់VIP ឈ្មោះ Min Yoongi »
« ជាមួយលោកJeon មែនទេបាទ? គាត់បានមកដល់ហើយកំពុងរង់ចាំ សូមអញ្ជើញមកតាមខ្ញុំ » ថាហើយអ្នករត់តុម្នាក់នោះក៏នាំផ្លូវពួកគេទៅដល់បន្ទប់ VIP មួយទើបជួយបើកទ្វារឲ្យមុននឹងអ្នកទាំងពីរចូលទៅដល់ស្របពេល Jungkook កំពុងអង្គុយចុចទូរស័ព្ទនិងផឹកស្រាក្រហមរង់ចាំល្មម ។
« Jungkook!! » បានលឺសម្លេងហៅភ្លាម នាយសង្ហារក៏ក្រឡេកទៅសឹមដាក់កែវស្រាចុះងើបឈរទទួលគេ ។
« Yoon ខានជួបគ្នាយូរហើយ សុខសប្បាយឬអត់? » Jungkook
« យើងសុខធម្មតាទេ ហើយនេះគឺ Jimin អនាគតរបស់យើង » នាយណែនាំឲ្យរាងល្អិតញញឹមអៀន ឯJungkookវិញក៏ញញឹមមិនមែនបែបអៀនទេ តែគឺ សប្បាយចិត្តវិញទេតើសព្រោះដឹងស្រាប់ហើយថា Yoongi មិត្តរបស់គេជាមនុស្សធ្លាប់តែរឹងរូស មិនចង់មានស្នេហាអ្វីសោះ ដល់ពេលនេះស្រាប់តែណែនាំគូស្នេហ៍ឲ្យស្គាល់ភ្លាមៗតែម្ដង ។
« តាមពិតអ្នកដែល Yoon ប្រាប់ថាចង់ណែនាំឲ្យខ្ញុំស្គាល់ជាមនុស្សប្រុសស្អាតដល់ម្លឹងសោះ សួស្ដី!! ខ្ញុំឈ្មោះ Jeon Jungkook »
« សួស្ដីលោកJeon » Jimin ញញឹមរាក់ទាក់វិញ ។
« កុំរវល់តែនិយាយអី ឆាប់នាំគ្នាអង្គុយចុះទៅ ប្អូន!! ជួយយកម្ហូបដែលខ្ញុំកម្ម៉ង់មុននេះមកផង » Jungkook
« បាទលោកប្រុស » អ្នករត់តុចាកចេញទៅទើបពួកគេចាប់ផ្ដើមនិយាយគ្នាបន្ត ។
« និយាយចឹងក្រុមហ៊ុនឯងយ៉ាងម៉េចហើយ រលូនល្អឬអត់? » Yoongi
« មានអី រលូនល្អធម្មតាគ្មានបញ្ហាទេ លើកលែងតែរឿងផ្ទាល់ខ្លួនប៉ុណ្ណោះដែលមិនរលូន » Jungkook ទម្លាក់ទឹកមុខចុះបន្តិចឲ្យ Yoongi ឃើញហើយយល់បានតែម្ដង ។
YOU ARE READING
♡ ជំពាក់ចិត្ត ជំរិតស្នេហ៍ ♡ (Completed)
Romanceទោះបីស្ថិតនៅក្នុងស្ថានភាពបែបណាក៏ដោយ ក៏អូនអាចជឿជាក់បានថាបងគ្មានថ្ងៃលែងដៃអូននោះឡើយ ។ ❀JEON JUNGKOOK x KIM TAEHYUNG❀
