2 years later,
" ဖရဲသီးလေးရေ မင်းပါးပါးဘယ်သွားနေလဲကွ...ဪမီးဖိုချောင်ထဲမှာလား..ဟုတ်ပါပြီကွာ အဲ့ဒါဆိုဖရဲသီးလေးကဆက်ပြီးဆော့နေနော် ဦးဦးကမင်းပါးပါးဆီသွားလိုက်ဦးမယ် "
လှိုင်းခတ်သံတစ်ယောက် ပုခတ်ထဲတွင်ခြေမြှောက်လက်မြှောက်နှင့်သူ့ဟာသူဆော့နေသောတစ်နှစ်သားအရွယ်ဖရဲသီးလေးအား ကလေးနားမလည်နိုင်သောစကားများကိုမေးကာသူ့ဟာသူပြန်ဖြေပြီးနောက် အိုးခွက်သံများထွက်နေသောမီးဖိုချောင်လေးထဲသို့ဝင်သွားလိုက်သည်။
မီးဖိုထဲတွင်တော့ စိမ်းပြာရောင်ဆွယ်တာလေးကိုဝတ်ဆင်ထားပြီး အပြာနုရောင်အေပရွန်လေးကိုဝတ်ဆင်ထားသောလူငယ်လေးတစ်ယောက်သည် အိုးထဲတွင်ကြော်ထားသောငါးတုံးလေးများကိုတူးမသွားရအောင်သေချာအာရုံစိုက်ပြီးကြော်နေသောကြောင့်
အနောက်မှဝင်လာသောလှိုင်းခတ်သံကိုသတိမထားမိပေ။" အမုန်း! "
" အမေ့!...ဗုဒ္ဓ.. ဟာ ကိုလှိုင်းလုပ်ပြန်ပြီ အနောက်ကနေအဲ့လိုအသံမပေးဘဲဝင်ဝင်မလာပါနဲ့ဆို မတော်တဆအမုန်းလက်ထဲကယောက်မနဲ့ရိုက်မိရင်ဘယ်လိုလုပ်မလဲပြော "
" အမလေးဗျာ နောက်မလုပ်နဲ့ဆိုမလုပ်တော့ပါဘူးမောင်မင်းကြီးသားရယ် ယောက်မနဲ့တော့မရိုက်ပါနဲ့ဗျာ ဟုတ်ပြီလား "
မျက်နှာတစ်ခုလုံးကိုရှုံ့မဲ့ကာနောက်မလုပ်တော့ပါဟုပြောနေသောကိုလှိုင်းကြောင့်အကြောင်းသိနေသောအမုန်းကနှာခေါင်းလေးရှုံ့ကာပြုံးမိသည်။ အမြဲတမ်းလူကိုစပြီးဆူမိလျှင်နောက်မလုပ်တော့ကြောင်းပြောမယ် ပြီးရင်တော့ဒုံရင်းပဲပြန်ဖြစ်သွားသောကိုလှိုင်းဟာအမုန်းအတွက်တော့ အစ်ကိုတစ်ယောက်လိုအားကိုးရသူပါ။
" ဘာတွေချက်နေတာလဲအမုန်းရ ဒီနေ့အလုပ်မသွားရဘူးလားနောက်ကျနေမယ်နော် "
" ဖရဲသီးလေးကိုထမင်းခွံ့ဖို့အတွက်ငါးကြော်နေတာရယ် ဒါလေးကြော်ပြီးရင်တော့ အမုန်းလည်းသွားတော့မှာပါ ဖရဲသီးလေးအတွက်ထမင်းထုပ်ပြီးရင်ခေါ်သွားလို့ရပြီ "
" အင်းပါ အဲ့ဒါဆိုလည်းကြော်..ဆေးရုံကသူနာပြုလေးတွေ ပြောတယ် ငါးကြော်နဲ့ထမင်းခွံ့တဲ့နေ့ဆိုဖရဲသီးလေးကထမင်းအရမ်းစားနိုင်တယ်တဲ့ "
YOU ARE READING
ချစ်ခြင်းထာဝရတည်စေသော် ( ခ်စ္ျခင္းထာဝရတည္ေစေသာ္) Completed
Romance🎵 ပျော်ချင်တိုင်းလည်းမပျော်ရပါ... ချစ်မိသူတိုင်းလည်းချစ်ခြင်းမခံခဲ့ရပါ🎵 ကျွန်တော့်ရဲ့ချစ်ခြင်းများစွာဟာလည်း ဇီဇဝါပန်းလေးလိုပါပဲ။ လျှို့ဝှက်စွာ၊ တိုးတိတ်စွာဖြင့်.......။ 🎵 ေပ်ာ္ခ်င္တိုင္းလည္းမေပ်ာ္ရပါ... ခ်စ္မိသူတိုင္းလည္းခ်စ္ျခင္းမခံခဲ့ရပါ🎵 ကြၽန...