ခက်ထန်ပျို (Complete) Uni & Zawgyi

Part 3

Unicode

"မင်းကိုကဗျာနဲ့ဘာလဲမေးလိုက်ရင် သူငယ်ချင်းကမတက်ဘူး"

‌"အေးလေ သူငယ်ချင်းမိတ်ဆွေပဲကို"

"ဒါဆိုဘာလို့ ညစာအတူစားလဲ"

"ဟ သူငယ်ချင်းမိတ်ဆွေတွေက ညစာအတူစားလို့မရဘူးလား"

"ဟေ့ရောင် ရူးချင်ယောင်ဆောင်မနေနဲ့၊ မိတ်ဆွေဆိုလဲ သတင်းတက်လာရင်ရှင်းလေ၊ ဒီအတိုင်းငြိမ်ခံနေပြီးတော့"

တိုင်းဦးစက်မုန်နဲ့မင်းဝဏ္ဏ market ထဲမှာပတ်နေရင်းစကားပြောနေတာဖြစ်သည်။ Market မှာမေမေမှာလိုက်တာဝင်ဝယ်ရင်း မင်းဝဏ္ဏနဲ့တွေ့တာဖြစ်၏။ သူရောကဗျာရော သူတို့နှစ်ယောက်သတင်းတက်လာတိုင်းတစ်ခါမှမဖြေရှင်းဘူး,ဘူး။ သူတို့နှစ်ယောက်က မိတ်ဆွေအဆင့်ဆိုတာသူကိုယ်တိုင်သိသလိုကဗျာကိုယ်တိုင်လဲသိတယ်မလား။ အရေးတယူလိုက်ရှင်းစရာမလိုဘူးလို့တော့သူထင်သည်။ မင်းဝဏ္ဏသူ့ကိုမေးဖူးတာရှိ၏။ ကဗျာ့ကိုရင်မခုန်ဘူးလားတဲ့။ သူမေးလဲမေးချင်စရာပါ ကဗျာကလှတယ်လေ သွက်လဲသွက်တယ် ဇနီးမယားတစ်ယောက်အနေနဲ့ရွေးချယ်သင့်တဲ့မိန်းကလေးတစ်ယောက်။ သို့ပေမယ့် သူ့မှာအဖြေမရှိ တကယ်လဲရင်ခုန်စိတ်လှုပ်ရှားတာမရှိ။ မင်းနှလုံးမှာပြဿနာရှိနေတာထင်တယ်ဆိုပြီးတောင် သူ့ဘော်ဒါတွေစနောက်ကျသေးတာ။ မင်းဝဏ္ဏကတော့ ကဗျာ့ကိုခဏထား one night stand သုံးကြည့်ဖို့ပါပြောလာတာဖြစ်၏။ One night stand တွေကိုတော့သူမသုံးချင်။ သူနှလုံးကဗလာကြီးဖြစ်နေသလို ဘယ်သူ့ကိုမှစိတ်ထဲထည့်လို့မရသေး။ ဘယ်သူ့ကိုမှ ဆိုတဲ့နေရာမှာ steak စားရင်းတွေ့တဲ့သူတော့မပါ။ သူအဲ့တစ်ယောက်ကိုတော့ ထပ်တွေ့ချင်တဲ့အထဲပါနေသည်။

"တံဆိပ်က floral နော် လဝန်း၊ floral ထဲက menthol အရောင်ကရော"

"...."

"အပြာ၊ အေးဝယ်နေပြီ ခဏစောင့်"

တိုင်းဦးစက်မုန် မေမေမှာတာရွေးနေရင်းနောက်ဘက်ကအသံကြားလို့လှည့်ကြည့်မိလိုက်၏။ သူတင်မဟုတ် မင်းဝဏ္ဏပါလှည့်ကြည့်လိုက်တာဖြစ်သည်။ သူတို့အရပ်နီးပါးရှိတဲ့ယောကျာ်းတစ်ယောက်က တစ်ခါသုံးပစ္စည်းဝယ်နေတာ။ တစ်ဖက်ကမိန်းကလေးကိုဖုန်းဆက်ပြီး တံဆိပ်အရောင်မေးနေတာ။ ထိုလူကိုနောက်ကကြည့်လိုက်တော့ဂျင်းဘောင်းဘီအကြပ်ဝတ်ထားပြီး ဂျင်းဂျာကင်ခါးပြတ်ကိုဝတ်ထား၏။ သူနဲ့မင်းဝဏ္ဏကြည့်ပြီးတာနဲ့ပိုက်ဆံရှင်းဖို့ကောင်တာသွားလိုက်သည်။ သူတို့ရှင်းနေတုန်း ဘေးနားကို တစ်ခါသုံးပစ္စည်းအထုတ်တွေတင်လာ၏။