- شعنده جاي؟؟ و ليش كاعد وياج وحدكم؟؟
- و انته شعليك كالك موضوع خاص ليش هيج حرجتني كدامه؟
رجاءً انتبه و إياك تتدخل بخصوصياتي مو فتحتلك قلبي و حجيتلك تفاصيل تخصني مره معناهه تنطي لنفسك الحق انه تنطيني اوامر
وتتدخل ويه منو احجي و ويه منو اكعد ارجوك الزم حدودك ويايه و لا تتجاوز
فتح عينه بصدمه و هو يسمع ردي هز راسه متحسف و كال :
- انتي وحده انانيه و ماعندج ذرة احساس ؛ ماشي ست سابين يجرالج بعد ماالي كل دخل بخصوصياتج
طلع بعصبيه و سد الباب ورا غمضت بتعب و كعدت على كرسي مكتبي و غطيت وجهي بكفوفي ..
- جنت ناقصتك آني اللي بيه مكفيني فك مني ياخه عاد.....
___________________
مشهد(٢)
- خاله شبي ابنج؟
- شحجيلج ياخاله تعب و تعبنه ويا صار بي اسم الله عليج كانسر قبل خمس سنوات و حايرين بي و بعلاجه ماخلينه طبيب يعتب علينه
آخر شي وصفولنه هاي المستشفى و كالو اكو بيهه اطباء زينين و جبناه
الله لايراوي الأيام اللي مرت علينه للعدو و لايبتلي أم بضناها و يحفظج لأهلج بنيتي
- اشكرج خاله الله يشافي يارب ترى هوايه ناس تنصاب بهالمرض و تتشافى ان شاءالله ترجعين ويا و هو سالم و متعافي يارب
- آمين حبيبتي اشكرج على وكفتج ويايه
- ادللي خاله ماسويت شي ...
_______________
مشهد (٣)
- شوفي حياتي هي صح الشقه شويه صغيره و ايجار بس ان شاءالله بالمستقبل يصير عدنا الأحسن
- مو مهم حبيبي المهم راح تجمعنا سوه و هي بعيني احلى من قصور الأميرات صدكني ؛ ترى آني الأشياء الماديه ماتعنيلي لأن تروح و تتغير
اللي يهمني هي الأشياء المعنويه هي الباقيه حبنا و مشاعرنا هي اللي لازم ماتتغير
- اوعدج ماتتغير إلا للأحسن الله يقدرني و ينطيني عمر و صحه و اكدر اسعدج ...
_______________
مرحبا بنات كتبت ٣ مشاهد من اول قصه اكتبها بحياتي سميتها (قلب من رماد)
حابه تنطوني رأيكم بيهه و بغلاف القصه و بالأسم و اذا عجبتكم المشاهد صوتو بالنجمه حتى تصعد و اتشجع اكتب اكثر ..
القصه مو حقيقيه 100%
جزء منها حقيقي و مزجته مع الخيال بس اوعدكم راح احاول كد مااكدر اكتب شي يليق بيكم و تكون حلوه و خفيفه و بيهه عبره مفيده🍃🖤
و الأهم انها خاليه من المثاليات الزائده و خاليه من ضرب و اهانة المرأه .. احداث واقعيه و مشوقه🌹🍃
أنت تقرأ
قلب من رماد
Romanceقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
