قلب من رماد💔
بقلمي عطر الياسمين🌸🖤
البارت 35
_______________
كل الوجوه انطفت بس انتي وجهج ضاوي
منج يغار الكمر جي لونه مو حنطاوي🍂
_______________
وتين ...
سابين مريضه و ما تداوم كلش كآبه الدوام بدونها اجي بدون واهس اخلص شغلي و اطلع متعودين مانفترق احنه الثلاثه بس ماكو شي يبقى على وضعه مريم اشتغلت بغير مكان و سابين هسه مريضه و بقيت وحدي
صارلها اسبوع من سوت العمليه و كل يوم نتواعد اني و مريم العصر نمر نشوفها
اليوم كاعده بغرفتي اسوي الحسابات و اقسم الرواتب و فراس بالغرفه اللي بجانب غرفتي بيناتنه قاطع جام و كل غرف الموظفين هيج بس الأداره غرفها مفصوله
اللي هي غرفة سابين و استاذ كرم
دايخه بالأرقام و راسي هالكبره و دك تليفوني رفعت راسي ارمش بعيوني دايخه من الصبح و اني على هالكعده تركت القلم من ايدي و اخذت الموبايل اشوف مو المتصل
رفعته و قريت .. ماما يتصل رديت :
- هلو ماما _____ شبيج؟!!
اوكفي مدا افتهم ليش تبجين بابا بي شي؟!!
______ هسه هسه اجيت
شمرت كل شي بأيدي و اخذت جنطتي و طلعت اركض وصلت الباب اتذكرت تليفوني بقى عالميز رجعت ركض اخذه دا اطلع انضربت بصدر فراس
هو حط ايده كدامي و صاح :
- الله الله شبيج وتين ليش تبجين شصاير وياج
- بابا بابا متخربط و امي وحدها ويا بالبيت
حجيتها و طلعت اركض وصلت للباب اتلفتت بحيره دا ارجع جرني من ساعدي
- شبيج وين رايحه يلله امشي
- مااستأذنت من استاذ كرم
- امشي عوفي عود اني اخابره
- و انته وين رايح؟!
- وياج اوصلج
مسحت دمعتي و حجيت :
- ليش عندك سياره؟
- لا هسه راح اخابر على تكسي
يحجي و التليفون بأيده يخابر
- عفيه اني مااكدر انتظر
- اصبري شويه شبيج هسه تطلعين عالشارع شكد توكفين يلله يمر الباص
اتصل طلب التكسي و بعدين اتصل على استاذ كرم استأذن منه خطيه ماحجى شي كال اذا احتاجيتو شي خابروني
اجه التكسي و طرت صعدت ليوره و هو صعد ليكدام صفنت هذا شعنده جاي ويايه بالله هسه اني شأكول لامي؟!!
انطيته العنوان للسايق وصلنه نزلنه من التكسي كال :
- وتين نخابر الأسعاف؟
- لا ماكو داعي هو سكره يرتفع و يوكع و امي ماتكدر وحدها
صعدت و صعد ورايه و حجى :
- سويلي طريق اني افوت اشيله
التفتت اله فاتحه عيوني حسيت انقذني بهاي مساعدته لأن احنه نبقى اني و امي نسوان و حيلنه مو مثل حيله امي تعبانه خطيه مابيهه حيل رديت خجلانه
أنت تقرأ
قلب من رماد
Любовные романыقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
