قلب من رماد

البارت4

قلب من رماد💔
بقلمي عطر الياسمين🌸🖤
البارت 4

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

عند اللقاء الأول لا تستمع لأي اغنيه،
ولا تضع اي عطر،
و إياك ان تحب المكان كثيراً ؛
ولا تسأل عن السبب

✍🏼نزار قباني

__________________

اخذت كتبي و توجهت للمستتشفى اللي وصفته الي صديقتي .. دخلت للقسم اللي دزتني اله و اتفحص بعيوني الناس و المراجعين ادور على المره اللي طلبت مني اروح اساعدها شلون راح اعرفها هسه مانطتني مواصفات وتين بس كالت موجوده بهالقسم من المستشفى .. بعد ما تلفتت عالناس الواكفه انتبهت اكو
أمرأه واكفه بممر و اكو ممرضه تحجي وياها و شكلهه مدا تفهم عليهه .. كلت اكيد هي هاي اللي ادور عليهه

رحت يمها بسرعه و بديت افهم من الممرضه شنو تحجي وياهه و افهمها لحد ما خلصت الممرضه كلامها و راحت

-اشكرج بنيتي
-ماسويت شي خاله ،

اجه الدكتور وكف يحجي عن حالة ابنها و نفس قبل شويه مدا تفهم عليه و اني اترجملها لحد ما كمل كلامه و راح

جانت مره متوسطه بالعمر شكلها حيل مرتب و حلوه بس الحزن ماخذ حيز كبير من ملامحها و دموعها ما وكفت .. اخذتها و كعدنا على كراسي الأستراحه بالممر

انتبهت لكتب الكليه اللي شايلتهن و سألتني :

-انتي طالبه حبيبتي؟
-اي خاله سنه اولى ادارة اعمال
-الله يوفقج يوم .. و تشتغلين و تدرسين؟
-لا خاله مااشتغل ، صديقتي اللي تترجم بس هيه مامداومه اليوم و طلبت مني اجي اساعدج بدالها
-اجيت و دورت كالو اكو مترجم بالمستشفى و نطوني رقم هاي البنيه بس مالكيت احد اهنا يساعدني ، اعذريني بنيتي كلفتج و عفتي دوامج علمودي

-لا خاله ليش تكولين هيج لا تكلفه ولا شي الناس للناس ، بعدين دوامي اصلاً خلص ؛ من رخصتج لحظه

عفتها و رحت اشتريت بطلين مي و عصير و رجعتلها ؛ شكلها تعبانه خطيه و ماتندل بالمستشفى

اخذتهن و رجعت يمها قدمتلها :
- اتفضلي خاله
-ليش تعبتي نفسج بنتي ماكو داعي
-شي بسيط اشربي شويه ارتاحي شكلج كلش مجهده

شربت شويه مي و بعدين سألتها :

- خاله شبي ابنج؟
- شحجيلج ياخاله تعب و تعبنه ويا صار بي اسم الله عليج كانسر قبل خمس سنوات و حايرين بي و بعلاجه ماخلينه طبيب يعتب علينه

آخر شي وصفولنه هاي المستشفى و كالو اكو بيهه اطباء زينين و جبناه

الله لايراوي الأيام اللي مرت علينه للعدو و لايبتلي أم بضناها و يحفظج لأهلج بنيتي

- اشكرج خاله الله يشافي يارب ترى هوايه ناس تنصاب بهالمرض و تتشافى ان شاءالله ترجعين ويا و هو سالم و متعافي يارب