قلب من رماد 💔
بقلمي عطر الياسمين🌸🖤
البارت7
.
.
.
.
_____________________________
لا السيفُ يفعَلُ بي ماانتِ فاعلةٌ
ولا لِقاءُ عدوي مثلَ لُقياكِ🍂
لو باتَ سهمٌ من الأعداءِ في كبدِي
ما نالَ مني مانالتهُ عَيناكِ🍃
✍🏼ابو الطيب المتنبي
•••••°°•••••°°••••••°°•••••
طارت بينه الطائره و احس روحي طارت مني وياهه عيوني تباوع على بغداد من الشباك و دموعي تتسابق
اول مره اشوف بغداد من الجو ، و اول مره راح افارك اهلي و ابتعد عنهم هلكد
حسيت شوفتهم راح تصير صعبه عليه منا و هيج و الغصه شكت قلبي
بس شسوي قسمتنا هيج مو كل اللي نريده نحصله ، اخاف على سيف مجرد اتذكر الأيام اللي انخطف بيهه و حركة قلبي عليه اكول مستعده اروح ويا لو للمريخ مادامه سالم و بخير و هو وعدني شوكت ما اشتاق لأهلي ياخذني الهم
و اعرفه مايقصر ..
راسي عالشباك اتفرج و احجي ويه نفسي و دموعي تنزل
صرنا فوك الغيوم و بعد ماتبين الأرض بوضوح
حسيت ايد خشنه و دافيه لامست ايدي التفتت اله مبتسمه مااريد احسسه بأحساسي و اخرب فرحته لأن دا اشوفه شلون طاير بيه بس على منو؟!
ماتعبر عليه حافظني حفظ .. لزم ايدي و كال :
سيف - شبيج حبيبتي؟!
ليش هالبجي؟
اروى- لا حبي ماكو شي لا تخلي ببالك
سيف - حبيبي صدكيني ارجعج الهم شوكت ماتريدين بس لا تبجين فدوه .. تقهريني
اروى - ادري عمري و ماعندي شك .. بس لأن اول مره ابعد هلكد عنهم ، مامتعوده
سيف - راح اونسج و اشوفج اماكن ماشايفتها و اخذج سفرات سياحيه ابد ماراح تندمين لأن سافرتي
اروى - مستحيل اندم على خطوه خطيتها وياك سنين و اني انتظر اليوم اللي انجمع بي وياك ببيت واحد جان بالنسبه الي مثل الحلم
سيف - الله يحفظج الي حبيبتي اخيراً بيتنا و غرفتنا راح تنور بيج ..
.
.
سابين
صافنه على منظر الغيوم من الشباك حسيت على سناريا و هي تدغني و تكلي :
سناريا - شوفي سابين
سابين - شنو؟
- سيف و اروى صارلهم ساعه يحجون و يتهامسون بعيدين عليه مدااعرف شبيهم
- و انتي شعليج شهالحشريه؟!
- لج لا فهمتيني غلط
- اي بالله ست سناريا فهميني الصح
أنت تقرأ
قلب من رماد
Storie d'amoreقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
