قلب من رماد💔
الكاتبه عطر الياسمين🌸
البارت 2
كل شيء في العراق عظيم بما في ذلك الألم💔
اقتباس من كتاب( بغداد كما عشقتها)
للكاتب ابراهيم حاتم الأفندي
.
.
.
_______________________
مرت علينا ايام صعبه .. جان اصعب شي بيهه دموع امي اللي ماوكفت و حيرة ابويه اللي صار يحس نفسه عاجز و حياة ابنه بخطر
ويا كل دكة باب توكف قلوبنا و كل رنة تليفون تاخذ من حيلنا حيل مرت يومين و سيف ماكو منه كل خبر
انتهينا عليه اخونا الوحيد و سندنا من بعد رب العالمين ثم والدي
اكثر وحده شفتها تأذت عليه هي امي و تجي من بعدها بنت عمي اروى موتت روحها تجي يمنا على اساس تواسينه و تبجي اكثر مني و من سناريا و نصير احنا نواسيها
بعد ما عرفنه انه سيف انخطف بابا بنفس اللحظه اخذنا لبيت عمي و بقى ياكل بنفسه شلون رجعنه لبيتنا و مااهتم لتهديداتهم .. بس الندم مايفيد بعد
بقينا يم بيت عمي و منتظرين خبر عن سيف بابا و عمامي بقو يسعون و يبحثون بالبدايه خفنا نبلغ لا يقتلو اذا عرفو اشتكينا بعدين عمي ابو غضنفر اللي هو اخو ابويه اللي انتقلنا لبيته عنده صديق بالداخليه و طلب مساعدته و فعلاً ساعدنه بس ما وصل لشي
دموع امي و هي كاعده على سجادتها ما وكفت و بابا اللي اسمعه باليل و هو يصلي و رافع ايده بالدعاء
"ربي اني مسني الضر و انت ارحم الراحمين"
حسيت بحجم المهم ابنهم الوحيد اللي بعدهم مافرحو بتخرجه ينفقد بلحظه !!!
فرشت سجادتي مثلهم اني و اختي و انضمت النه اروى و مروه بنات عمي نصلي و ندعي لسيف ربي ينجي من المجرمين اللي وكع بأيدهم بلا ذنب
ابويه عنده اخوان اثنين عمي ابو غضنفر عنده ولد واحد مثل بابا و ثلاث بنات اروى الكبيره و مروه الوسطانيه و اصغرهم آمنه بعدهه بالمتوسطه بكد سناريا
و عمي الثاني ابو ايسر عنده بس اولاد اثنين صغار بالأبتدائيه بعدهم ؛ لذلك احنه نفضل بيت عمنا الكبير لأن عنده بنات نكعد وياهم و علاقتنا حيل قويه بيهم
بهذا الوقت جان سيف آخر سنه اله بكلية الآداب قسم انكليزي ؛ و آني جنت صف خامس علمي ؛ و سناريا ثاني متوسط ؛ و بنات عمي بنفس اعمارنا اروى جانت بكدي و مروه اصغر من عدنا بسنه
مرت يومين بالدموع و الدعاء و الكل على اعصابهم مترقبين باليوم الثالث الظهر دك تليفون بابا رقم غريب
رد متلهف يسمع اي خبر عن سيف .. طلبو فديه كبيره لأن يعرفون بابا وضعه المادي زين و استغلو بأبنه
اتفق وياهم على موعد التسليم و سمع صوت سيف و تأكد انه سالم الحمدلله ؛ نوعاً ما ارتاحينه بس بقت بقلوبنا الخوفه اخاف ينطي بابا الفلوس و سيف مايرجع الله لايكولها
أنت تقرأ
قلب من رماد
Romansaقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
