قلب من رماد💔
بقلمي عطر الياسمين🌸🖤
البارت 25
______________
لم يكن الأمرُ عادياً كما تظن
إنه أصبَحَ عادياً بعدَ الفَ معركةٍ في عقلي
و الفُ كسرٍ في قلبي
كُنتُ أُردِدُ دوماً .. لا بأس .. بينما كلُ البأس يكمنُ هنا
في قلبي😔
_______________
كرم ...
- لك هاهيه صبرت و نلت جتي و الله جابها صارت كدامك فرصتك هاي يابطل
- يافرصه فراس كل عقلك!
- لعد من نص عقلي؟
مو هذا اللي جنت تنتظره و اجتي عدله
- بس متأخره
عكد حواجبه مستغرب :
- ليش متأخره؟!!
فتح عيونه بدهشه
- لك كرم لا تكلي تزوجت
جريت حسره و جاوبته :
- تطلكت
- شنووو؟!!
ليش شوكت تزوجت؟!!
- قبل اكثر من سنه
- و انته تدري؟!
هزيت راسي :
- اي
- هسه افتهمت ؛ و اني اكول شطلع ببالك فكرة الماجستير فجأه و منين نزلت عليك هاي الشطاره طلعت متزوجه و تحججت بالماجستير حتى لا تجي لهنا و تصير كدام عينك مو؟!
بس تعرف شنو؟
صوجك من ايدك ؛ شكد جنت اكلك بادر اخطبها و انته ساكت
- فراس هي اصلاً ماتعرفني ؛ ما شايفتني جانت شلون اخطبها ماتكلي؟!!
- لك لعد شلون حبيتها ماتكلي اذا هي ماشايفتك انته شلون شفتها بالأقمار الصناعيه؟!!
ماتعرفني بس اني احبها
ماشايفتني و اني ميت عليها
اول مره بحياتي اشوف واحد يحب مثلك!!
حتى بحبك ماتشبه الناس
- غير هذا حظي
- و شدعوه لهالدرجه مسودها انته مو تكول تطلكت خلص يعني ماكو شي يمنعك هسه
- بالعكس صارت اصعب
- ليش؟!
شنو طلعت من قلبك؟!
بطلت تحبها؟!
جريت حسره و جاوبته :
- بالعكس ؛ من صارت كدامي و شفتها شكد قويه و تجاوزت اللي مرت بي حبيتها اكثر بأضعاف عن قبل
- اي؟!
لعد وين المشكله؟!
- مااكدر احجي هسه ؛ مااكدر
البنيه بعدها مجروحه و جرحها جديد ؛ طالعه من علاقه فاشله وطلاقها كلش اذاها صعب تنسى بهالسرعه و تقبل ترتبط
- يااخي ليش تسبق الاحداث انته اتقرب منها و اساساً شغلكم سوه يعني مو صعبه عليك هاي ؛ هي شويه شويه تتعلق بيك و صارحها و فضت راحت
- مو بهالسهوله فراس ؛ لليوم اشوف بعيونها الحزن و الأنكسار رغم شكد تحاول تبين العكس
- صار شكد من بدت تداوم وياك؟؟
- اسبوع
- و بأسبوع واحد شفت كل هذا؟!!
أنت تقرأ
قلب من رماد
Romanceقصة فتاة عراقيه تعصف بحياتها الرياح فيتغير كل شيء في يوم و ليله و بعد أن كان قلبها ينبض بالحياة يحدث مالم يكن في الحسبان و يصبح قلبها من رماد
